Category: Football

အုပ်စုတွင်း အင်အားအကောင်းဆုံးဖြစ်သည့် ဗီယက်နမ်အသင်းနှင့် ယှဉ်ပြိုင်ရမည့် မြန်မာအသင်းအနေဖြင့် ရလဒ်ကောင်းထွက်ပေါ်ပြီး နောက်ထပ်တစ်ဆင့်တက်ခွင့်ရရန် ကြိုးစားသွားမည်ဟု အသင်းခေါင်းဆောင် သီဟဇော်က ပြောသည်။ ယနေ့ ဒီဇင်ဘာ (၂၀) ရက်တွင်ပြုလုပ်သည့် သတင်းစာရှင်းလင်းပွဲ၌ ထိုသို့ပြောကြားခဲ့ခြင်း ဖြစ်သည်။ " မနက်ဖြန်ပွဲစဥ်မှာ ကျွန်တော်တို့ အကောင်းဆုံး ကြိုးစားပြီး ရလဒ်ကောင်း တစ်ခုရယူဖို့၊ နောက်တစ်ဆင့် တက်နိုင်ဖို့ ရေကုန်ရေခမ်း ယှဥ်ပြိုင်သွားပါမယ်။ ကျွန်တော်တို့ အိမ်ကွင်းမှာ ပရိသတ်အားပေးသလိုမျိုး မနက်ဖြန်ပွဲစဥ် ကြည့်ရှုအားပေးနေတဲ့ ပရိသတ်အတွက် တစ်သင်းလုံး အစွမ်းကုန် ကြိုးစားသွားပါမယ်"ဟု သီဟဇော်က ပြောသည်။ ASEAN Mitsubishi Electric Cup 2024 ပြိုင်ပွဲ အုပ်စုအဆင့် ပွဲစဉ်တစ်ခုဖြစ်သည့် ဗီယက်နမ်-မြန်မာပွဲစဉ်အား မြန်မာ အသင်းအနေဖြင့် ဒီဇင်ဘာ (၂၁) ရက် (မနက်ဖြန်)တွင် ယှဉ်ပြိုင်ကစားသွားကြရမည်ဖြစ်သည်။ "ဗီယက်နမ်က အုပ်စုထဲမှာ အတောင့်တင်းဆုံး အသင်းတစ်သင်း ဖြစ်တယ်ဆိုတာ အားလုံး သိပါတယ်။ ဗီယက်နမ်အသင်းမှာ တစ်ဦးချင်း ကျွမ်းကျင်မှုရှိတဲ့ ကစားသမားတွေ၊ လူငယ်နဲ့ စီနီယာကစားသမားတွေနဲ့ ပေါင်းစပ်ဖွဲ့စည်းထားပြီး အ ခုပြိုင်ပွဲအတွက် အချိန်ယူ လေ့ကျင့်ပြင်ဆင်ထားတာ တွေ့ရပါတယ်။ ကျွန်တော်တို့အသင်းအနေနဲ့ လာအိုနဲ့ပွဲကလို နောက်ဆုံးအချိန်ထိ စိတ်ဓာတ် ကောင်းကောင်း၊ ကစားအား ကောင်းကောင်းနဲ့ ကြိုးစားပြနိုင်လိမ့်မယ်လို့ မျှော်လင့်ပါတ ယ်"ဟု မြန်မာအသင်း နည်းပြချုပ် ဦးမျိုးလှိုင်ဝင်းက ဆိုသည်။ မြန်မာ-ဗီယက်နမ် ပွဲစဉ်အတွင်း မောင်မောင်လွင် မပါ၀င်နိုင်မှုအတွက် နေရာအစားထိုးနည်းစနစ်ဖြင့်...