Category: Local News

ရှမ်းပြည်နယ်(တောင်ပိုင်း)၊ မိုင်းပန်မြို့နယ်တွင် ငွေကျပ်သိန်း(၅)‌ေထာင်ကျော်တန်ဖိုးရှိ ဘိန်းဖြူဘလောက်တုံးများနှင့်စိတ်ကြွဆေးပြားများကို ဒီဇင်ဘာ ၂၈ ရက်နံနက် ၁၁ နာရီခွဲခန့်ကဖမ်းဆီးရမိခဲ့ကြောင်း မူးယစ်တပ်ဖွဲ့ထံမှ သိရသည်။ မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့ဝင်များပါဝင်သောပူးပေါင်းအဖွဲ့သည် မိုင်းပန်မြို့ နယ်၊ တာဆန်းကျေးရွာအနီးတွင် မိုင်းပန်မြို့ဘက်မှ မိုင်းတုံမြို့ဘက်သို့ စိုင်းနွံဟန်(ခ)စိုင်းနွံလျန် မောင်းကာ စိုင်းစံညွန့် လိုက်လာသည့် VIGO ကားကို တားဆီးရှာဖွေစစ်ဆေးခဲ့ကြသည်။ ထိုသို့ စစ်ဆေးရာ ကား၏ကြမ်းခင်းအံဝှက်အ တွင်းသိုဝှက်သယ်ဆောင်လာသည့် နမ့်စန်မြို့ နယ်မှ မိုင်းတုံမြို့နယ်သို့သယ်ဆောင်ရောင်းဝယ်မည့် ငွေကျပ်သိန်း(၅၄၀၀)ကျော်တန်ဖိုးရှိ ဘိန်း ဖြူဘလောက်တုံး ၁၂၀ တုံးနှင့် စိတ်ကြွဆေးပြား ၂ သိန်းတို့ကို ဖမ်းဆီးရမိခဲ့ကြောင်း သိရသည်။ ထို့ကြောင့် ဖမ်းဆီးရမိသူနှစ်ဦးအား သက်ဆိုင် ရာရဲစခန်းမှ မူးယစ်ဆေးဝါးနှင့်စိတ်ကိုပြောင်းလဲစေသောဆေးဝါးများဆိုင်ရာဥပဒေအရအမှုဖွင့် ၍ ဆက်စပ်ပြစ်မှုကျူးလွန်သူများအား ထပ်မံဖမ်းဆီးရမိရေးအတွက် စစ်ဆေးလျက်ရှိကြောင်း သိရသည်။