Category: International

ဂျပန်ဆာကေး ယမကာချက်လုပ်သော ကုမ္ပဏီတစ်ခုသည် ကမ္ဘာ့ပထမဆုံး အာကာသဆာကေး အရက်ချက်ရန် ကြိုးပမ်းမည်ဖြစ်ပြီး တစ် ပုလင်း သာ ထုတ်လုပ်ကာ ယင်းကို ရောင်းချ၍ရရှိသည့် ယန်း သန်း ၁၀၀(ဒေါ်လာ ၆၄၀၀၀၀) ကို ပြည်တွင်းအာကာသ ဖွံ့ဖြိုးတိုးတက်ရေးကုမ္ပဏီများသို့ လှူဒါန်းသွားမည်ဖြစ်ကြောင်း သိရသည်။ ယာမာဂူချီ စီရင်စုတွင် တည်ရှိသည့် အဆာဟိ ရှူဇိုကုမ္ပဏီက နိုင်ငံတကာ အာကာသစခန်းတွင် ဆာကေး အရက် ချက်ရာ၌ အသုံးပြုသည့် ဆန်နှင့် အခြားကုန်ကြမ်းများကို ကဇော်ဖောက်ရန် စီစဉ်နေသည်ဟု မကြာခင်က ပြောဆိုခဲ့သည်။ ယင်း ပါဝင်ပစ္စည်းများကို ၂၀၂၅ ခုနှစ်အနှောင်းပိုင်းတွင် ကမ္ဘာ့ပတ်လမ်းသို့ ပို့လွှတ်ရန် ရည်ရွယ်ထားသည်ဟု ဆိုသည်။ အဆာဟိ ရှူဇို၏ အဆိုအရ ၂၀၄၀ ပြည့်နှစ်တွင် လူသားများ လပေါ် စတင်နေထိုင်လာပါက အရက်လိုအပ်ချက်ရှိလာနိုင်သည်ဆိုသော တွေးဆချက်အရ ဆာကေးဖန်တီးရန် စိတ်ကူးရခဲ့ခြင်းဟု ဆိုခဲ့သည်။ Dassai ဆာကေးအမှတ်တံဆိပ်ဖြင့် လူသိများသော အဖျော်ယမကာကုမ္ပဏီကို အကာသတွင် ဆာကေးပြုလုပ်ရန်နှင့် ပတ်သက်၍ ၂၀၂၂ ခုနှစ်တွင် မစ်ဆူဘီရှီ အကြီးစားစက်မှုလုပ်ငန်းက ညှိနှိုင်းဆွေးနွေးမှုလုပ်ခဲ့သည်။ ယင်းအချိန်မှစကာ ကုမ္ပဏီသည် မစ်ဆူဘီရှီ၊ Aichi Center တို့နှင့် စက်မှုလုပ်ငန်းပိုင်း၊ သိပ္ပံနည်းပညာပိုင်းတို့တွင် ပူးပေါင်းဆောင်ရွက်ထားပြီးဖြစ်သည်။ ၎င်းတို့သည် နိုင်ငံတကာအကာသစခန်းအတွက် ဂျပန်နိုင်ငံက ထုတ်လုပ်ထားသည့် Kibo စမ်းသပ် module ဆီသို့ ပို့ဆောင်သွားမည့် အရက်ချက်စက်ကိရိယာတစ်ခုကို ထုတ်လုပ်လျက်ရှိသည်ဟု ဆိုခဲ့သည်။ Ref:...