လာမည့် မတ်လ ၊ ဧပြီလ နှင့် မေလများတွင် ဖြစ်ပွားလာနိုငါသည့် လေပြင်းတိုက်ခတ်မှု ဘေးအန္တရာယ်များကို ကာကွယ်နိုင်ရန်အတွက် ကြိုတင်ပြင်ဆင်မှုများကို စီမံချက်ချမှတ်ဆောင်ရွက်နေကြောင်း လူကယ်ပြန် ဝန်ကြီး ဌာနမှ သိရသည်။
ယခုနှစ်များအတွင်း မြန်မာနိုင်ငံ၌ လေပြင်းတိုက်ခတ်မှု ဘေးအန္တရာယ်များ ပိုမိုဖြစ်ပွားလာနေပြီး မတ်လ၊ ဧပြီလနှင့် မေလများတွင် ပိုမိုအဖြစ်များသည့်အတွက် ယခုကဲ့ သို့ ကြိုတင်ပြင်ဆင်မှုများ လုပ်ဆောင်နေခြင်း ဖြစ်ကြော င်း လူကယ်ပြန် ဝန်ကြီးဌာန ဘေးအန္တရာယ်ဆိုင်ရာ စီမံခန့်ခွဲမှုဦးစီးဌာန ညွှန်ကြားရေးမှူး ဒေါ်ဖြူလဲ့လဲ့ထွန်းက နိုင်ငံပိုင်သတင်းဌာနမှတဆင့် ပြောကြားထားသည်။
ယင်းသို့ ဆောင်ရွက်ရာတွင် တိုင်းဒေသကြီးနှင့် ပြည်နယ်များအလိုက် လေပြင်းဒဏ်ခံနိုင်ရည် အားနည်းသည့် နေ အိမ်အဆောက်အဦများကို ရှာဖွေစစ်ဆေးကာ လိုအပ်သ ည့် ကြိုတင်ကာကွယ်မှုများကို ပြင်ဆင်ဆောင်ရွက်ပေးနေကြောင်း သိရသည်။
အဆိုပါ အစီအစဉ်ကို ပြီးခဲ့သည့် ၂၀၁၆ ခုနှစ်မှ စတင်ဆောင်ရွက်နေခြင်းဖြစ်ပြီး ယခုနှစ်တွင်လည်း လေဘေး ဒဏ် ခံရနိုင်ခြေမြင့်မားသည့် တိုင်းဒေသကြီးနှင့် ပြည်န ယ်အသီးသီးရှိ မြို့နယ်နှင့် ခရိုင်များအလိုက် စီမံချက်များ ချမှတ်ကာ ဆောင်ရွက်နေပြီဖြစ်ကြောင်း သိရသည်။
” တိုင်းဒေသကြီးနဲ့ပြည်နယ်တွေမှာ လေပြင်းဘေးဖြစ်ပွား မှုများတဲ့ နေရာတွေမှာ မြို့နယ်တွေ၊ ရပ်ကွက်တွေ ရွေးချ ယ်တယ်။ အဲဒီအထဲမှာမှ လေပြင်းဘေးဒဏ် ခံနိုင်ရည် အားနည်းတဲ့ အိမ်တွေကို ရွေးချယ်ပြီးတော့မှ အားဖြည့်မွမ်းမံပြင်ဆင်ပြီးတော့မှ ဆောင်ရွက်နေတာ ရှိပါတယ် ။ ၂၀၁၆ ခုနှစ်တည်းက စတင်ပြီးတော့ ဆောင်ရွက်ခဲ့တာ ဖြစ်ပါတယ်” ဟု ဒေါ်ဖြူလဲ့လဲ့ထွန်းက ပြောသည်။
အဆိုပါ ကြိုတင်ကာကွယ်မှု စီမံချက်ကို ပြီးခဲ့သည့် ၂၀၁ ၆ ခုနှစ်က စတင်လုပ်ဆောင်ခဲ့ခြင်းဖြစ်ပြီး ၂၀၂၁ – ၂၀၂ ၂ ဘဏ္ဍာနှစ်အထိ အိမ်ခြေပေါင်း ၄၀၀၀၀ ကျော်ကို မွမ်း မံဆောင်ရွက်ရွက်နိုင်ခဲ့ကြောင်း သိရသည်။
မြန်မာနိုင်ငံတွင် မတ်လ၊ ဧပြီလနှင့် မေလတို့မှ စတင်ကာ လေပြင်းတိုက်ခတ်ခြင်းများ ဖြစ်ပွားနိုင်ပြီး မိုးကြိုရာသီရောက်ရှိပါကလည်း မုန်တိုင်းအန္တရာယ် ကျရောက်မှုများ ဖြစ်ပေါ်လာနိုင်သည့်အတွက် ပြည်သူလူထုအနေဖြင့်လ ည်း ကြိုတင်ပြင်ဆင်မှုများ လုပ်ဆောင်ထားရန် လိုအပ်ကြောင်း လူကယ်ပြန် ဝန်ကြီးဌာနမှ အသိပေးထားသည်။
