သီပေါ မဟာဒေဝီဟောင်းတစ်ဦးဖြစ်သည့် ဩစတေးလျနိုင်ငံသူ အင်ဂ အယ်ဘာဟာ့ (ခေါ်) စဝ်သုစန္ဒီဟာ ယမန်နေ့ ဖေဖေါ်ဝါရီ (၆) ရက်က အမေရိကန်မှာ နတ်ရွာစံ ကံတော်ကုန်သွားပြီဖြစ်ကြောင်း သိရသည်။
သူမဟာ နောက်ဆုံး ကွယ်လွန်အနိစ္စရောက်တဲ့ မဟာဒေဝီဖြစ်ပြီး ကွယ်လွန်ချိန်မှာ သက်တော် (၉၁) နှစ်အရွယ်ရှိပြီဖြစ်သည်။
သူမသည် အမေရိကန်နိုင်ငံ ကော်လိုရာဒို အမျိုးသမီးကောလိပ်တွင် ပညာဆည်းပူးနေစဉ်အတွင်း သီပေါစော်ဘွား စဝ်ကြာဆိုင်နှင့် တွေ့ဆုံချစ်ကျွမ်းဝင်ခဲ့ရာ ၁၉၅၃ ခုနှစ်တွင် အမေရိကန်၌ပင် နှစ်ဦးလက်ထပ်ခဲ့ကြခြင်း ဖြစ်သည်။
သူမသည့် သီပေါစော်ဘွား စဝ်ကြာဆိုင်နှင့်အတူ ရှမ်းပြည်နယ် သီပေါမြို့သို့ လိုက်လာကာ သီပေါဒေသအပါအဝင် ရှမ်းပြည်ဖွံ့ဖြိုးတိုးတက်ရေးများကို ခင်ပွန်းဖြစ်သူနှင့်အတူတကွ ကြိုးပမ်းခဲ့သူဖြစ်သည်။
စဝ်ကြာဆိုင်နှင့် စဝ်သုစန္ဒီတို့တွင် မာယာရီ နှင့် ကိန္နရီ အမည်ရှိ သမီးနှစ်ဦး ထွန်းကားခဲ့သည်။
၁၉၆၂ ခုနှစ် အစိုးရအပြောင်းအလဲတွင် သီပေါပြည်နယ် လွှတ်တော်အမတ်အဖြစ် တာဝန်ထမ်းဆောင် နေသော စဝ်ကြာဆိုင် ဖမ်းဆီးခံရပြီး ဇနီးဖြစ်သူ စဝ်သုစန္ဒီကို အကျယ်ချုပ် (၂) နှစ်ချထားခဲ့ကြောင်း သမိုင်းအကိုးအကားများအရ သိရသည်။
၁၉၆၄ ခုတွင် မြန်မာပြည်မှ ထွက်ပြေးလွတ်မြောက်ခဲ့ပြီးနောက် မိဘများနှင့်အတူ ဩစတြီးယား နိုင်ငံတွင် (၂)နှစ်ကြာ နေထိုင်ခဲ့ပြီး အမေရိကန်တွင် ကွယ်လွန်ချိန်အထိ အခြေချနေထိုင်ကာ ကျောင်းဆရာ အသိအမှတ်ပြု လက်မှတ် ရယူနိုင်ခဲ့ပြီးနောက် Boulder junior အထက်တန်းကျောင်းနှင့် Fairview အထက်တန်းကျောင်းများတွင် ဂျာမန်ဘာသာသင် ဆရာမအဖြစ် ဝင်ရောက် လုပ်ကိုင်ခဲ့ကြောင်း သိရသည်။
ထို့နောက် ၁၉၆၈ ခုနှစ်တွင် Boulder မြို့သား Tad Sarg ent နှင့် ဒုတိယအိမ်ထောင် ထူထောင်ခဲ့ပြီး အသက် (၆၅) နှစ်အရွယ် ၁၉၉၃- ခုတွင် အငြိမ်းစားယူခဲ့ကြောင်း သိရသည်။
သီပေါ မာဟာဒေဝီ စဝ်သုစန္ဒီသည် မြန်မာ ဒုက္ခသည်များကို ကူညီရန်အတွက် Burma Lifeline အဖွဲ့ကို ဒုတိယ ခင်ပွန်းဖြစ်သူ Tad နှင့် အတူ ၁၉၉၅ခုနှစ်တွင် ဖွဲ့စည်းထူ ထောင်ခဲ့ပြီး ကုလသမဂ္ဂမှ ပေးအပ်သည့် United Nations Association International Human Rights ဆုကို ၂၀၀၀ ပြည့် နှစ်တွင်ရရှိခဲ့သည်။
သီပေါမဟာဒေဝီ စဝ်သုစန္ဒီသည် သူမ၏ မဟာဒေဝီဘဝ နေ့ရက်များကို Twilight over Burma: My Life as a Sha n Princess (မှုန်ရီဆိုင်း တိုင်းမြန်မာ) အမည်ဖြင့် ၁၉၉၄ ခုနှစ်တွင် ရေးသားထုတ်ဝေခဲ့ပြီးထိုဇာတ်လမ်းကို The Last Mahadevi အမည်ရှိ မှတ်တမ်းရုပ်ရှင်ကားအဖြစ် ၂၀၀၀ ပြည့်နှစ်တွင် ရိုက်ကူးခဲ့ကြောင်း သိရသ ည်။
ကိုးကား – wikipedia
Photo -Internet
