ယခုဘဏ္ဍာနှစ်အတွင်း စင်ကာပူနိုင်ငံမှ အများဆုံးရင်းနှီးမြှုပ်နှံမှု ပြုလုပ်ထား

၂၀၂၂-၂၀၂၃ ဘဏ္ဍာနှစ်၏ဆယ်လတာကာလအတွင်း စင်ကာပူနိုင်ငံမှ အများဆုံးရင်းနှီးမြှုပ်နှံမှု ပြုလုပ်ထားကြောင်း ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာနမှ သိရသည်။

ယခင်က တရုတ်လုပ်ငန်းအများစုမှ လာရောက်ရင်းနှီးမြှုပ်နှံမှုပြုလုပ်ထားပြီး ယခုတွင် တရုတ်ကိုကျော်လွန်၍ စင်ကာပူနိုင်ငံမှ အများဆုံးရင်းနှီးမြှုပ်နှံထားကြောင်း သိရသည်။ ဆယ်လတာကာလအတွင်း ပြည်တွင်းဝင်ရောက်သည့် နိုင်ငံခြားရင်းနှီးမြှုပ်နှံမှုတန်ဖိုးမှာ ဒေါ်လာ ၁၄၇၆ သန်းကျာ်ရှိပြီး စင်ကာပူနိုင်ငံမှာ ဒေါ်လာ ၁၁၅၇ သန်းကျော်ဖြင့် အများဆုံးဝင်ရောက်ထားပြီး တရုတ်မှ ဒေါ်လာ ၁၀၅ သန်းကျော်သာ ရရှိထားခြင်းဖြစ်သည်။

ယခုဘဏ္ဍာနှစ်အတွင်း စင်ကာပူနိုင်ငံ၊ Belize ၊ ဘင်္ဂလားဒေ့ရှ်နိုင်ငံ၊ တရုတ်နိုင်ငံ၊ တိုင်ပေ၊ ဟောင်ကောင်၊အိန္ဒိယ၊ ဂျပန်၊ဆွစ်ဇာလန်၊ ထိုင်းစည့်အခြားနိုင်ငံတွေအပါအဝင် ပြည်ပရင်းနှီးမြှုပ်နှံမှုမှာ ဒေါ်လာ ၁၄၇၆ ဒသမ ၆၃၁ သန်းဖြစ်ကြောင်း ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာနမှ ထုတ်ပြန်ထားသည်။

ပြည်တွင်း၌ အာဆီယံနိုင်ငံတွေ၏ ရင်းနှီးမြှုပ်နှံမှုသည် စုစုပေါင်း ရင်းနှီးမြှုပ်နှံမှု၏ ၅၄ ရာခိုင်နှုန်းအထိရှိပြီး တရုတ်ရင်းနှီးမြှုပ်နှံမှုသည် ၁၃ ရာခိုင်နှုန်း ရှိကြောင်းသိရသည်။

တရုတ်၏လုပ်ငန်း​ပေါင်း ၅၂၀သည် မြန်မာပြည်တွင်းရှိပြီးနယ်စပ်ကုန်သွယ်​ရေး၏ ၄၄ ရာခိုင်နူန်းသည်တရုတ်နှင့်ကုန်သွယ်ခဲ့ခြင်းဖြစ်သည်။ယခုအခါတရုတ်နှင့်ပတ်သက်ပြီး ငွေလဲလှယ်​ရေးမူဝါဒများ၊ဝန်ထမ်းဗီဇာသက်တမ်းအခက်ခဲများ၊သွင်းကုန်ခွင့်ပြုချက်အကျပ်တည်းများ၊FDI ဆွဲ​ဆောင်မူအားနည်းခြင်း၊အိမ်နီးချင်းများနှင့်ယှဥ်ပါက ဦးစား​ပေးမူဝါဒများအားချိနိညှိပြင်ဆင်ရန်လိုအပ်ခြင်း တို့​ကလည်းလာ​ရောက် ရင်းနှီးမြုပ်နှံမူနည်းရသည့်အ​ကြောင်းတရားအ​နေဖြင့်ပါဝင်​နေမည်လားဆိုသည်က​တော့ ဆန်းစစ်ကြည့်စရာပင်။