ဆစ်ဒ်နီ၊ဖေဖော်ဝါရီ ၁၉
နူးဇီလန်မြောက်ပိုင်းသို့ ဝင်ရောက်တိုက်ခတ်ခဲ့သည့်မုန်တိုင်း ဂါဘရီလီကြောင့် သေဆုံးသူ ၁၁ ဦးရှိလာပြီဖြစ်ကာ ထောင်နှင့်ချီ ၍ပျောက်ဆုံးနေကြောင်းသိရသည်။
ဂါဘရီလီသည်ဖေဖော်ဝါရီ ၁၂ ရက်နေ့မှစတင်တိုက်ခတ်ခြင်းဖြစ်ကာ အရှေ့ဘက်ကမ်းရိုးတန်း၌လည်း ပျက်စီးဆုံးရှုံးမှုအလွန်များခဲ့ပြီး ရာစုနှစ် အတွင်းအဆိုးရွားဆုံးဖြစ်သည်ဟုဆိုသည်။
သေဆုံးသူ ၁၁ ဦးရှိလာချိန်၌ အဆက်သွယ်မရဘဲပျောက်ဆုံးနေသူ ၅,၆၀၈ ဦးအထိရှိနေသည်။ ၁,၁၉၆ ဦးက မူဘေးကင်းကြောင်း သတင်းရ သည်ဟု ရဲများကပြောကြားခဲ့သည်။
ကယ်ဆယ်ရေးလုပ်ငန်းများအားအရှိန်မြှင့်ဆောင်ရွက်လျက်ရှိသော်လည်း နိုင်ငံတွင်းလူပေါင်း ၆၂,၀၀၀ ခန့် သည် လျှပ်စစ်မီးမရဘဲနေနေကြရသည်ဟုသိရသည်။
ဝန်ကြီးချုပ်ဟစ်ပ်ကင်ကမူ ကယ်ဆယ်ရေးအတွက်ဆောင်ရွက်နေကာ မြောက်ပိုင်းဒေသသို့ဦးစားပေးကူညီမည်ဟုလည်းပြောကြားခဲ့သည်။
Source : Reuters
