စိုက်ပျိုးရေး၊မွေးမြူရေးနှင့်ဆည်မြောင်းဝန်ကြီးဌာန ပြည်ထောင်စုဝန်ကြီးဦးမင်းနောင်နှင့်မြန်မာနိုင်ငံဆိုင်ရာကုလသမဂ္ဂဝန်ဆောင်မှုရုံး(UNOPS Myanmar)၏ Country Director Ms. Sara Austin Netzer တို့ ဖေဖော်ဝါရီ ၂၄ ရက်နံနက်ပိုင်းက နေပြည်တော်၌တွေ့ဆုံခဲ့ကြသည်။
UNOPS သည် မြန်မာနိုင်ငံတွင် ၁၉၉၆ ခုနှစ်မှစတင်၍ နိုင်ငံတစ်ဝှမ်းရှိ ကျန်းမာရေး၊ အသက်မွေးဝမ်းကျောင်းမှု၊ ကျေးလက်ဖွံ့ဖြိုးရေးနှင့် စိုက်ပျိုးရေးကဏ္ဍများ တိုးတက်အောင် ပံ့ပိုးပေးနေသည့်အဖွဲ့ဖြစ်သည်။
အဖွဲ့သည် အခြားကုလသမဂ္ဂအဖွဲ့အစည်းများ၊ ဘက်စုံအလှူရှင်များနှင့် ပူးပေါင်း၍ အသေးစားနှင့် အလတ်စား ပရောဂျက်များလုပ်ဆောင်လျှက်ရှိသည်။
ထိုသို့တွေ့ဆုံရာ၌ အသက်မွေးဝမ်းကျောင်းနှင့်စားနပ်ရိ က္ခာဖူလုံရေးရန်ပုံငွေ(LIFT Fund)မှ မြန်မာနိုင်ငံတွင်ဆောင်ရွက်လျက်ရှိသည့် ဖွံ့ဖြိုးရေးလုပ်ငန်းများ၌ စိုက်ပျိုးရေး၊မွေးမြူရေးနှင့်ဆည်မြောင်းဝန်ကြီးဌာနက လိုအပ်ချက်များကို ကူညီပံ့ပိုးဆောင်ရွက်ပေးနိုင်မည့်လုပ်ငန်းများ၊ ရှေ့ဆက်ဆောင်ရွက်မည့်လုပ်ငန်းစဉ်များကို အဓိကထားဆွေးနွေးခဲ့ကြသည်။
တွေ့ဆုံပွဲသို့ စိုက်ပျိုးရေး၊မွေးမြူရေးနှင့်ဆည်မြောင်းဝန်ကြီးဌာန ဒု-ဝန်ကြီးဒေါက်တာတင်ထွဋ်နှင့်ဌာနဆိုင်ရာတာဝန်ရှိသူများ တက်ရောက်ခဲ့ကြသည်။
