ဒုက္ခပေါ်ဒုက္ခဆင့်
ဒုက္ခနှင့်နေတာ
ဒုက္ခနှင့်သေမှာ
ဒုက္ခသာမလွဲ။
ဒုက္ခဝဋ်သံသာဗွေမှာ
ဒုက္ခတွေ ထပ်လို့သာကဲ။
ဒုက္ခနှင့်တည်ပြန်လျှင်
ဒုက္ခမှန် ဖြစ်မြဲ၊
ဒုက္ခကောင် ဒုက္ခခဲတွေမို့
ဒုက္ခထဲပျော်ကာ၊
ဒုက္ခကို ဒုက္ခမှန်းမသိတာကြောင့်
ဒုက္ခဖိခံရလေရှာ။
ဒုက္ခဝဋ်လွတ်လိုပါလျှင်
ဒုက္ခသာ မြင်အောင်ရှုပါလော့။
ဒုက္ခမှု ဒုက္ခဖြစ်စဥ်
ဒုက္ခဉာဏ်ထင်။
ဒုက္ခမြင်မှ ဒုက္ခစင်မည်၊
ဒုက္ခကုန်လျှင် သုခကွယ့်လေး။
ညောင်တုန်းဆရာတော်ကြီးဘဒ္ဒန္တ သြသဓာဘိဝံသမဟာထေရ်၏ “ဘဝပုံရိပ်ဓာတ်ပုံမှတ်တမ်း” စာအုပ်မှကောက်နုတ်ပါသည်။
