ကမ္ဘာ့အကောင်းဆုံး ဘောလုံးသမားတစ်ဦးဖြစ်တဲ့ ခရစ္စတီယာနို ရော်နယ်ဒိုဟာ ဗင်နီဇွဲလားနိုင်ငံသူ အိမ်ထောင်သည် ဆယ်လီတစ်ဦးနဲ့ အတူတူအိပ်ခဲ့တယ် ဆိုတဲ့ စွပ်စွဲချက်တွေအပေါ် ပြတ်ပြတ်သားသား ငြင်းဆိုလိုက်ပါတယ်။
ဘလော့ဂါတစ်ဦးဖြစ်တဲ့ ဂျော်ဂျီလာရာ က ရော်နယ်ဒိုနဲ့ သူဟာ ပြီးခဲ့နှစ် မတ်လ ၂၅ ရက်နေ့က ပေါ်တူဂီနိုင်ငံမှာရှိတဲ့ ဟိုတယ်အခန်းတစ်ခုမှာ အတူအိပ်ခဲ့ကြတယ်လို့ ပြောလာပါတယ်။
ဂျော်ဂျီလာရာ က သူဟာ ရော်နယ်ဒိုနဲ့ သူရဲ့ ပေါ်တူဂီအသင်းဖော်တွေနဲ့ ဆယ်လီအတူ ရိုက်ခဲ့ပြီးတဲ့နောက် ရော်နယ်ဒိုဆီကနေ သူ့ရဲ့ ဟိုတယ်အခန်းထဲကို လာခဲ့ဖို့ ဖိတ်ခေါ်တဲ့ မတ်ဆေ့ချ်တစ်စောင်ကို လက်ခံရရှိခဲ့တယ်လို့ ဆိုပါတယ်။ အဲဒီလို ဖိတ်ခေါ်ခဲ့တဲ့အပေါ် ကိုလည်း ရင်းနှီးချင်လို့ စကားပြောရအောင် ဖိတ်ခေါ်တာမျိုးထင်ပြီး သွားခဲ့ပေမယ့် အတူအိပ်ဖြစ်သွားတယ်လို့ ဂျော်ဂျီလာရာ က ပြောလာပါတယ်။
သူကိုယ်တိုင် ခွင့်ပြုလို့ အဲဒီလိုမျိုးကိစ္စမျိုး ဖြစ်သွားပေမယ့် ရော်နယ်ဒိုရဲ့ ကျော်ကြားမှုနဲ့ ဂုဏ်ရှိန်ကြောင့် လှည့်စားခံရသလိုမျိုး ခံစားခဲ့ရပါတယ်လို့ ဂျော်ဂျီလာရာ က ထုတ်ဖော်ပြောလာပါတယ်။
ဂျော်ဂျီလာရာရဲ့ ပြောဆိုချက်အရ သူနဲ့ ရော်နယ်ဒိုဟာ ပေါ်တူဂီနိုင်ငံမြောက်ပိုင်း ဗီလာ နိုဗာ ဒယ် ဂိုင်ရာ မြို့မှာရှိတဲ့ ဆိုဗာဒီ ဟိုတယ်မှာ အိပ်ဖြစ်ခဲ့တယ်လို့ သိရပါတယ်။ အဲဒီမြို့ကို ရော်နယ်ဒိုနဲ့ သူရဲ့ အသင်းဖော်တွေက ကာတာကမ္ဘာ့ဖလားအတွက် လေ့ကျင့်ပြင်ဆင်ဖို့ ရောက်ရှိနေခဲ့တာပါလို့လည်း သိရပါတယ်။
ဂျော်ဂျီလာရာ က သူဟာ အင်စတာဂရမ်မှာ နာမည်ရှိပြီးသူဖြစ်တဲ့အတွက် အခုလိုမျိုး ထုတ်ဖော်ပြောလာတာဟာ ကျော်ကြားဖို့နဲ့ ပိုက်ဆံရဖို့အတွက် မဟုတ်ပါဘူး ဟူ၍လည်း ပြောထားပါတယ်။
အဲလိုစွပ်စွဲချက်တွေအပေါ် ရော်နယ်ဒိုရဲ့ ပြောရေးဆိုခွင့်ရှိသူက မှားယွင်းပြီး ဂုဏ်သိက္ခာကျဆင်းစေတဲ့ လုပ်ရပ်ဆိုပြီး တုံ့ပြန်ထားပါတယ်။
ရော်နယ်ဒိုဟာ ခြောက်နှစ်နီးပါး တွဲလာခဲ့တဲ့ လက်ရှိချစ်သူ ဂျော်ဂျီနာ ရိုဒရီဂွက်ဇ်နဲ့အတူ ကလေး ၂ ယောက်မွေးထားကာ ပျော်ရွှင်တဲ့ မိသားစုကို ပိုင်ဆိုင်ထားသူဖြစ်ပါတယ်။
Source: Daily Mail
