ကချင်ပြည်နယ် ၊ ဗန်းမော်မြို့ ၊ စင့်ကင်ကျေးရွာတွင် အ သက် (၁၃) နှစ်အရွယ် ယောက်ျားငယ်တစ်ဦးသည် အကူညီလာရောက်တောင်းခံသူအား မော်တော်ဆိုင်ကယ်ဖြင့် လိုက်လံပို့ဆောင်ပေးရာမှ ပျောက်ဆုံးသွားခဲ့ရာ (၁၀) ရ က်ကျော်ကြာသည်အထိ ပြန်မတွေ့သေးကြောင်း မိသားစုဝင်များထံမှ သိရသည်။
ပြီးခဲ့သည့် ဖေဖေါ်ဝါရီလ (၂၂) ရက်တွင် စင့်ကင်ရွာနှင့် ရွာနီးချုပ်စပ်ဖြစ်သည့် ငှက်ပျောတောရွာတွင်နေထိုင်သ ည့် အသက် (၄၀) အရွယ် အမျိုးသားတစ်ဦးက ဆိုင်ကယ်ဖြင့်လိုက်ပို့ရန် အကူညီတောင်းခံသဖြင့် မိခင်ဖြစ်သူမှ လို က်ပို့ခိုင်းခဲ့ခြင်းဖြစ်ကြောင်း ပျောက်ဆုံးနေသည့် မောင်ရဲ ရင့်ထွန်း၏ အစ်မဖြစ်သူက ပေါ်ပြူလာနယူ(စ်) သို့ ရှင်းပြသည်။
” မတွေ့သေးဘူးရှင့် ။ အခုချိန်ထိ ဘာသတင်းမှ မရသေးဘူး ။ ဒီနေ့ဆို (၁၁) ရက်လောက်ရှိပြီ ။ သတင်းဘာမှ မရဘူး။ ရဲစခန်းကိုတော့ အကြောင်းကြားထားတယ်။ ဒါပေမဲ့ ဘာမှတော့ မကြားသေးဘူး ။ စပျောက်တာကတော့ အဲဒီ ခေါ်သွားတဲ့သူကအကူညီလာတောင်းတာ။ငှက်ပျောတော ရွာကို လိုက်ပို့ခိုင်းတာ။အမေတို့ကလည်း သူ့မှာဆိုင်ကယ် မပါဘူးဆိုတော့ ရွာနဲ့ နီးနီးလေးပဲဆိုပြီး လိုက်ပို့ခိုင်းလိုက်တာ ” ဟု မောင်ရဲရင့်ထွန်း၏ အစ်မဖြစ်သူက ပြောသည်။
မောင်ရဲရင့်ထွန်းသည် အခင်းဖြစ်စဉ်ဖြစ်ပွားသည့်နေ့က ရှပ်အင်္ကျီအကွပ် လက်ရှည်နှင့် ဘောလုံးဘောင်ဘီးအတို ဝတ်ထားကာ ရင်ဇင်းအမှတ်တံဆိပ် 125 အမျိုးအစားဆိုင်ကယ်ဖြင့် အသက်(၄၀) အရွယ်အမျိုးသားအား ငှက် ပျောတောကျေးရွာသို့ လိုက်ပို့ခဲ့ခြင်း ဖြစ်ကြောင်း သိရသည်။
လက်ရှိတွင် အဆိုပါ မောင်ရဲရင့်ထွန်း ပျောက်ဆုံးမှုနှင့် ပ တ်သက်၍ ဗန်းမော်မြို့နယ်အတွင်း လိုက်လံစုံစမ်းရှာဖွေမှုများ လုပ်ဆောင်နေသော်လည်း ထူးခြားသည့် သတင်းအစအနပင် မရသေးကြောင်းလည်း မိသားစုဝင်များ ထံ မှ သိရသည်။
ပျောက်ဆုံးနေသည့် မောင်ရဲရင့်ထွန်းသည် အနေအထိုင်အေးပြီး မိတ်ဆွေအပေါင်းအသင်းလည်း များများစားစာမရှိကြောင်း ၎င်း၏ မိသားစုဝင်များ၏ ပြောကြားချက်အရ သိရသည်။
လက်ရှိတွင် မောင်ရဲရင့်ထွန်း ပျောက်ဆုံးမှုနှင့် ပတ်သက် ၍ သက်ဆိုင်ရာမြို့နယ် ရဲစခန်းတွင် လူပျောက်တိုင်ကြားထားပြီး တွေ့ရှိသူများအနေဖြင့် တယ်လီဖုန်း နံပါတ် ၀၉၄ ၄၅၁၅၄၂၉၆ သို့ ဆက်သွယ်အကြောင်းကြားပေးကြရန်လည်း မိသားစုဝင်များက အကူညီတောင်းခံထားသည်။
ယခုရက်ပိုင်းများအတွင်း ရန်ကုန်၊ မန္တလေးနှင့် နေပြည် တော်အပါအဝင် နေရာအချို့တွင် ဆယ်ကျော်သက်အ ရွယ် ကလေးငယ်ပျောက်ဆုံးမှုများ မကြာခဏဖြစ်ပေါ်နေပြီး အချို့မှာ ပြန်လည်တွေ့ရှိခဲ့သော်လည်း အချို့မှာ လက်ရှိအချိန်ထိ ပျောက်ဆုံးနေဆဲဖြစ်ကြောင်း သိရသည်။
