လီဆူအမျိုးသားဖွံ့ဖြိုးတိုးတက်ရေးပါတီ(ဒူးလေးပါတီ)နှင့် တိုင်းလိုင်(ရှမ်းနီ)အမျိုးသားများ ဖွံ့ဖြိုးတိုးတက်ရေပါတီတို့မှ ဥပဒေ နည်းဥပဒေများနှင့်အညီ နိုင်ငံရေးပါတီအဖြစ် ဆက်တည်ထောင်ခွင့်နှင့် မှတ်ပုံတင်ခွင့်ကို လာရောက်လျှောက်ထားခဲ့ကြောင်း ပြည်ထောင်စုရွေးကောက်ပွဲကော်မရှင်မှ အသိပေးထုတ်ပြန်ထားသည်။
ဖေဖော်ဝါရီလ ၁ ရက်နေ့မှ မတ်လ ၈ ရက်နေ့အထိ နိုင်ငံရေးပါတီများမှတ်ပုံတင်ခြင်းဥပဒေပုဒ်မ ၃ အရ လျှောက်ထားသောပါတီ ၆ ပါတီရှိပြီး နိုင်ငံရေးပါတီများမှတ်ပုံတင်ခြင်းဥပဒေပုဒ်မ ၂၅ အရ လျှောက်ထားသောပါတီ ၁၃ ပါတီဖြစ်၍ စုစုပေါင်း ၁၉ ပါတီရှိကြောင်း၊ အဆိုပါ ပါတီများကို တည်ထောင်ခွင့်နှင့်မှတ်ပုံတင်ခွင့်ပြုနိုင်ရေး ပြည်ထောင်စုရွေးကောက်ပွဲကော်မရှင်က ဆက်လက်စိစစ်ဆောင်ရွက်နေကြောင်း သိရသည်။
စာရင်းများအရ နိုင်ငံရေးပါတီ ၉၁ ပါတီရှိသည့်အနက် ၁၉ ပါတီ မှတ်ပုံပြန်တင်ထားကြောင်း၊ ကော်မရှင်အနေဖြင့် နိုင်ငံရေးပါတီများပြန်လည်မှတ်ပုံတင်ရန် ဥပဒေသစ်ထုတ်ပြန်ပြီးနောက်ပိုင်း အချိန် ၂ လ ပေးထားခြင်းဖြစ်ကာ ယခုအခါ ၃၆ ရက်ရောက်ရှိနေပြီဖြစ်သည်။
လက်ရှိတွင်
1.ပြည်ထောင်စုကြံ့ခိုင်ရေးနှင့်ဖွံဖြိုးရေးပါတီ၊
2.ဖက်ဒရယ်ဒီမိုကရက်တစ်ပါတီ၊
3. မြန်မာပြည်သူ့ဒီမိုကရက်တစ်ပါတီ ( MPD)၊
4.ပြည်ထောင်စုဒီမိုကရေစီပါတီ (Union Democracy Party)၊
5.ပအိုဝ်းအမျိုးသားအဖွဲချုပ် (PNO) ၊
6.ဒီမိုကရက်တစ်အင်အားစုလေဘာပါတီ၊
7.ဒီမိုကရေစီပါတီသစ်(ကချင်)
8.ပြည်သူ့အကျိုးပြုကျောင်းသားများပါတီ၊
9.အမျိုးသားဒီမိုကရေစီပါတီသစ်၊
10.ဖလုံ-စဝေါ်ဒီမိုကရက်တစ်ပါတီ၊
11.ရှမ်းနှင့် တိုင်းရင်းသားများ ဒီမိုကရက်တစ်ပါတီ၊
12.တိုင်းရင်းသားစည်းလုံးညီညွတ်ရေးပါတီ၊
13.ရခိုင့်ဦးဆောင်ပါတီ၊
14.ပြည်သူ့အင်အားပါတီ၊
15.ဝံသာနုပါတီ၊
16.ကချင်ပြည်နယ် ပြည်သူ့ပါတီ (KSPP) ၊
17.ဒီမိုကရက်တစ်ပါတီ
18.လီဆူအမျိုးသားဖွံဖြိုးတိုးတက်ရေးပါတီ(ဒူးလေးပါတီ)နှင့်
19.တိုင်းလိုင်(ရှမ်းနီ)အမျိုးသားများ ဖွံဖြိုးတိုးတက်ရေးပါတီတို့ဖြစ်ကြောင်း သိရသည်။