ထိုင်းနိုင်ငံ၊ပထုမ်ဌာနီခရိုင်ရှိ အဝေးပြေးလမ်းမကြီးပေါ်၌ ကားတစ်စီးပေါ်တွင် ပြည့်ကြပ်စွာလိုက် ပါလာသည့် မြန်မာနိုင်ငံသား ၁၈ ဦးအား မတ် ၉ ရက်ကဖမ်းဆီးရမိခဲ့ကြောင်း သိရသည်။
ပထုမ်ဌာနီခရိုင်ရှိ အဝေးပြေးလမ်းမကြီးပေါ်၌ မောင်းနှင်လာသည့် အံစာတုံးကားအား အဝေးပြေးလမ်းတာဝန်ကျယာဥ်ထိန်းရဲတပ်ဖွဲ့ဝင်များက တားဆီးစစ်ဆေးရာ ကားပေါ်တွင်ပြည့်ကြပ်စွာလိုက်ပါလာသူ ၁၈ ဦးအားတွေ့ရှိခဲ့ရသည်။
ထို့ကြောင့် သက်ဆိုင်ရာတာဝန်ရှိသူများနှင့်ပူးပေါင်း၍ စစ်ဆေးမှုများပြုလုပ်ရာ ထိုင်းနိုင်ငံအလယ်ပိုင်းတွင်အလုပ်လုပ်ကိုင်ရန် တရားမဝင်ဝင်ရောက်လာသည့် မြန်မာနိုင်ငံသားများဖြစ်ကြောင်း ဖော်ထုတ်သိရှိခဲ့ရသည်။
ထို့ပြင် ၎င်းတို့သည် ထိုင်းနိုင်ငံ၌အလုပ်လုပ်ကိုင်ရန် ပွဲစားခအဖြစ်တစ်ဦးလျင် ထိုင်းဘတ်ငွေ ၂၈၀၀၀ မှ ၃၀၀၀၀ အထိပေးချေခဲ့ရကြောင်းကိုလည်း ထွက်ချက်ပေးထားသည်။
ဖမ်းဆီးရမိခဲ့သည့် မြန်မာနိုင်ငံသားများအား ထိုင်းနိုင်ငံဥပဒေအရအရေးယူရန် စမ်ခို့ ရဲစခန်းသို့လွှဲပြောင်းပို့ဆောင်ထားသည်။
