မြန်မာနိုင်ငံသို့လာရောက်လည်ပတ်မည့် ရုရှားနိုင်ငံသားများအတွက်  ပြီးပြည့်စုံသော ခရီးစဥ်များ ဆောင်ရွက်ပေးမည်

ဟိုတယ်နှင့်ခရီးသွားလာရေးဝန်ကြီးဌာန ပြည်ထောင်စုဝန်ကြီးဦးအောင်သော်မှ ရုရှားနိုင်ငံ၊ရော့စ်ကွန်ဂရက် ရင်းနှီးမြှုပ်နှံမှုရန်ပုံငွေအဖွဲ့၏ ညွှန်ကြားရေးမှူး Mr. Alexander Sergeevich Shatirov အား မတ် ၁၃ ရက်နံနက်က လက်ခံတွေ့ဆုံစဥ် ဆွေးနွေးပြောကြားခဲ့ခြင်းဖြစ်သည်။

“Welcome Russia Program in Myanmar” အစီအစဉ်အားရေးဆွဲလျက်ရှိပြီး ပြီးပြည့်စုံသော Package Tour ရေးဆွဲ၍ ရုရှားနိုင်ငံ စီးပွားရေးဖွံ့ဖြိုးတိုးတက်မှုဝန်ကြီးဌာနသို့ ပေးပို့သွားမည်ဟု ပြည်ထောင်စုဝန်ကြီးကပြောသည်။

မြန်မာ-ရုရှား နှစ်နိုင်ငံတိုက်ရိုက် လေကြောင်းလိုင်းပျံသန်းပြေးဆွဲရန် ပို့ဆောင်ရေးနှင့်ဆက်သွယ်ရေးဝန်ကြီးဌာနမှ အကောင်အထည်ဖော်လျက်ရှိရာ ဝန်ကြီးဌာနမှ လိုအပ်သည်များကိုဆောင်ရွက်သွားမည်ဟုလည်း ပြောကြားခဲ့သည်။

ရုရှားခရီးသွားများ မြန်မာနိုင်ငံသို့ ဝင်ရောက်ရာတွင် ကျန်းမာရေးအာမခံဝယ်ယူရေးအဆင်ပြေလွယ်ကူမှုရှိစေရန် ဆက်စပ်ဌာနများနှင့်ပူးပေါင်းဆောင်ရွက်သွားမည်ဖြစ်ကာ ရော့စ်ကွန်ဂရက် ရင်းနှီးမြှုပ်နှံမှုရန်ပုံငွေအဖွဲ့မှ ညွှန်ကြားရေးမှူး၏ ဆွေးနွေးအကြံပြုချက်များကို ရုရှားခရီးသွားများအားကြိုဆိုမည့်အစီအစဉ်တွင် ထည့်သွင်းသွားမည်ဖြစ်ပြီး နှစ်နိုင်ငံ ခရီးသွားလုပ်ငန်းဖွံ့ဖြိုးတိုး တက်ရန် ကူညီဆောင်ရွက်ပေးစေလိုသည်ဟု ပြည်ထောင်စုဝန်ကြီးက ဆွေးနွေးပြောကြားခဲ့သည်။

ရော့စ်ကွန်ဂရက် ရင်းနှီးမြှုပ်နှံမှုရန်ပုံငွေအဖွဲ့ ညွှန်ကြားရေးမှူးမှလည်း ရုရှားခရီးသွားများလာရောက်လည်ပတ်နိုင်ရန် ရုရှားနိုင်ငံ၊စီးပွားရေးဖွံ့ဖြိုးတိုးတက်မှုဝန်ကြီးဌာနနှင့်မြန်မာနိုင်ငံ၊ဟို တယ်နှင့်ခရီးသွားလာရေးဝန်ကြီးဌာနတို့ပူးပေါင်း ၍ ရုရှားခရီးသွားများအတွက် တည်းခိုသွားလာလည်ပတ်မှု၊စားသောက်မှုများအပါအဝင် ပြီး ပြည့်စုံသော Package Tour အစီအစဉ်များအား ရေးဆွဲပံ့ပိုးပေးစေလိသည်ဟု ဆွေးနွေးပြောကြားခဲ့သည်။

ရော့စ်ကွန်ဂရက်အဖွဲ့အနေဖြင့်လည်း နှစ်နိုင်ငံခ ရီးသွားကဏ္ဍတိုးတက်ရန် ပူးပေါင်းဆောင်ရွက်သွားမည်ဖြစ်ပြီး မြန်မာနိုင်ငံအကြောင်းမြှင့်တင် ဆောင်ရွက်နိုင်ရေးကို ပံ့ပိုးကူညီပေးသွားမည်ဟု ဆွေးနွေးပြောကြားခဲ့သည်။