နိုင်ငံရေးပါတီအဖြစ် ဆက်လက်ရပ်တည်မည့် ပါတီများ အနေဖြင့် မတ်လ (၂၈) ရက် နောက်ဆုံးထားကာ ပါတီမှ တ်ပုံတင်ခွင့် ပြန်လည်လျှောက်ထားကြရန် နစက သတ င်းထုတ်ပြန်ရေးအဖွဲ့ခေါင်းဆောင် ဗိုလ်ချုပ်ဇော်မင်းထွန်းက ပြောသည်။
ပြီးခဲ့သည့် ၂၀၂၃ ခုနှစ် ဇန်နဝါရီ (၂၆) ရက်က နစက မှ အသစ်ပြဌာန်းလိုက်သည့် ပါတီမှတ်ပုံတင်ခွင့် ဥပဒေအသစ်အရ နိုင်ငံရေးပါတီအဖြစ် ဆက်လက်ရပ်တည်လိုသည့်ပါတီများအနေဖြင့် ရက်ပေါင်း (၆၀) အတွင်း မှတ်ပုံတင်ခွင့် ပြန်လည်လျှောက်ထားရမည်ဟု ပြဌာန်းထားခြင်းဖြစ်သ ည်။
အကယ်၍ ရက်ပေါင်း (၆၀) အတွင်း မှတ်ပုံတင်ခွင့် ပြန် လည်လျှောက်ထားခြင်း မရှိပါက နိုင်ငံရေးပါတီအဖြစ်မှ အလိုအလျှောက် ပျက်ပြယ်မည်ဟုလည်း အဆိုပါ နစက ၏ နိုင်ငံရေးပါတီများ မှတ်ပုံတင်ခြင်း ဥပဒေတွင် ပြဌာန်ထားသည်။
” ဆက်လက်တည်ထောင်လိုတဲ့ နိုင်ငံရေးပါတီများဟာ ရက် ၆၀ အတွင်း ကော်မရှင်ကို ပြန်လည်လျှောက်ထားရမယ်ဆိုတာ လာမယ့် (၂၈) ရက်နေ့မှာ နောက်ဆုံးဖြစ်ပါမယ်။ ဒါက ဥပဒေအရ ပြဌာန်းချက်ဖြစ်ပါတယ်။ ပါတီကြီး/ငယ် မည်သည့်ပါတီမဆို ဒီပြဌာန်းချက်အတိုင်းပဲ ဆောင်ရွက်မှာ ဖြစ်ပါတယ်” ဟု ဗိုလ်ချုပ်ဇော်မင်းထွန်းကပြောသည်။
ယင်း ဥပဒေအရ ပါတီ မှတ်ပုံတင် ပြန်လည်လျှောက်ထားခွင့်ရှိသည့်ရက်ပေါင်း (၆၀)သည် လာမည့် မတ်လ (၂၆) ရက်တွင် ပြည့်မည်ဖြစ်သော်လည်း အစိုးရ ရုံးပိတ်ရက်နှင့် တိုက်ဆိုင်နေသည့်အတွက် ရုံးပြန်ဖွင့်မည့် မတ်လ (၂ ၈) ရက်အထိ နောက်ဆုံးထား လျှောက်ထားခွင့် ရှိမည်ဖြ စ်ကြောင်း ဗိုလ်ချုပ်ဇော်မင်းထွန်းက ပြောသည်။
ယခင် နိုင်ငံရေးပါတီ မှတ်ပုံတင်ခြင်း ဥပဒေအရ မှတ်ပုံ တင်ထားသည့် နိုင်ငံရေးပါတီပေါင်း (၉၀) ကျော် ရှိသည့်အနက် လက်ရှိတွင် ပါတီမှတ်ပုံတင်ခွင့်ပြန်လည်လျှောက် ထားသည့်ပါတီ (၂၃) ပါတီသာရှိသေးကြောင်း ပြည်ထော င်စုရွေးကောက်ပွဲကော်မရှင်၏ စာရင်းများအရ သိရသ ည်။
အဆိုပါ မှတ်ပုံတင်ခွင့် ပြန်လည်လျှောက်ထားသည့် ပါတီ (၂၀) ကျော်တွင် ပြည်ထောင်စု တစ်ဝန်းလုံးအနေဖြင့် ရပ်တည်ရန် လျှောက်ထားသည့်ပါတီ (၅) ပါတီသာရှိကြောင်းလည်း သိရသည်။
