မလေးရှားဘုရင် အဲလ် ဆူလ်တန် အဗ္ဗဒူလာ ရီအရာတက်ဒင် အဲလ်မူစတာဖာ ဘီလက်ရှက်၏ ဖိတ်ကြားချက်အရ စင်္ကာပူသမ္မတ ဟာလီမာ ရာကော့သည် မတ်လ ၂၀ ရက်မှ ၂၂ ရက်အထိ မလေးရှားနိုင်ငံသို့ နိုင်ငံတော်အဆင့် အလည်အပတ်ခရီး သွားရောက်မည်ဖြစ်ကြောင်း စင်ကာပူ နိုင်ငံခြားရေးဝန်ကြီးဌာန (MFA)က မတ်လ ၁၈ ရက် စနေနေ့ကကြေငြာခဲ့သည်။
အဆိုပါခရီးစဉ်သည် စင်္ကာပူသမ္မတ ၏ ၅နှစ်ကျော်သက်တမ်းအတွင်း အိမ်နီးချင်းမလေးရှားသို့ ပထမဆုံးသော နိုင်ငံတော်အဆင့် ခရီးစဉ်ဖြစ်လာမည်ဖြစ်သည်။
စင်္ကာပူ၏ဖွဲ့စည်းပုံအခြေခံဥပဒေအရ သမ္မတသည် ပါတီ၀င်မဟုတ်သည့် လူထုဆန္ဒမဲဖြင့် ရွေးချယ်တင်မြှောက်သူဖြစ်သည်။
လက်ရှိသမ္မတ ဟာလီမာယာကော့ဘ်သည် ကန့်ကွက်မှုမရှိဘဲ အရွေးခံရပြီးနောက် ၂၀၁၇ စက်တင်ဘာ ၁၄ ရက်က စ၍တာဝန်ထမ်းဆောင်ခဲ့သည်။ သူမသည် စင်္ကာပူနိုင်ငံသမိုင်းတွင် ပထမဆုံးသော အမျိုးသမီးသမ္မတဖြစ်သည်။
ထိုခရီးစဉ်အတွင်း ဟာလီမာသည် မလေးရှား ဘုရင်နှင့်မိဖုရား၊ ဝန်ကြီးချုပ် အန်ဝါ အီဘရာဟင်၊နှစ်နိုင်ငံမှ စီးပွားရေးလုပ်ငန်းရှင်ကြီးများ၊မလေးရောက် စင်္ကာပူနိုင်ငံသားများနှင့် တွေဆုံသွားမည်ဖြစ်သည်။
သူမနှင့်အတူ ဝန်ကြီးချုပ်ရုံးဝန်ကြီး၊ ကုန်သွယ်ရေး၊ယဉ်ကျေးမှုနှင့် လူငယ်ရေးရာဝန်ကြီး ၊ လွှတ်တော်အမတ် ၃ယောက်တို့လည်း လိုက်ပါသွားမည်ဖြစ်သည်။
ဟာလီမာကို မလေးရှားဘုရင်၏ အီစတာနာ နီဂါရာ နန်းတော်တွင် နိုင်ငံတော်အဆင့် အခမ်းအနားဖြင့် ကြိုဆိုသွားမည်ဖြစ်သည်။
အမှတ်တရအထိမ်းအမှတ်အဖြစ် မျိုးစပ်ထားသည့် သစ်ခွပန်း မျိုးစိပ်အသစ်အား ဗန်ဒါ ဟာလီမာ ရာကော့ မိုဟာမက်ဟု အမည်ပေးခြင်းဖြင့် ဟာလီမာတို့မောင်နှံကို ဂုဏ်ပြုသွားမည်ဖြစ်သည်။
Source: စီအင်န်အေ
