မန္တလေးတိုင်းဒေသကြီး၊ အမရပူရမြို့နယ် ဗားကရားကွေ့တွင် အိမ်စီးကားတစ်စီး အရှိန်လွန်ပြီး ဓါတ်တိုင်ကို ဝင်တိုက်မှု ယမန်နေ့ ဧပြီ (၂၅) ညပိုင်းက ဖြစ်ပွားခဲ့ကြောင်း သိရသည်။
အမရပူရမြို့နယ်၊ ဗားကရားကွေ့တွင် ယမန်နေ့ည (၁၁) နာရီ (၄၅) မိနစ်ခန့်က အိမ်စီးကားတစ်စီး အရှိန်ပြီး ဓါတ်တိုင်ကို ဝင်တိုက်မှုဖြစ်ပွားကြောင်းဆက်သွယ် သတင်းပေးပို့လာသည့်အတွက် မြန်မာနိုင်ငံ လူမှုကယ်ဆယ်ရေးအဖွဲ့ (မန္တလေးတိုင်းရုံး) မှ အရေးပေါ်ရှာဖွေကယ်ဆယ်ရေးယာဥ် ၊ လူနာတင်ယာဥ်တို့နှင့်အတူ တိုင်းရုံးအဖွဲ့ဝင်များ ထွက်ခွာကာ လိုအပ်သည့် ကူညီမှုများ ဆောင်ရွက်ခဲ့ ကြောင်း သိရသည်။
” အရှိန်လွန်ပြီး လမ်းဘေးက ဓာတ်တိုင်ကို ၀င်တိုက်မိတာပေါ့၊ အသက်ကယ် လေအိတ်ပွင့်သွားလို့ သက်သာသွားတာ။ ကားခေါင်းပိုင်းကတော့ ပျက်စီးသွားတယ် ” ဟု ကယ်ဆယ်ရေးလုပ်ငန်းတွင် ပါ၀င်ခဲ့သူတစ်ဦးက ပြောသည်။
အဆိုပါ ဖြစ်စဥ်တွင် လူထိခိုက်ဒဏ်ရာရမှုမရှိခဲ့ဘဲလိုအပ်သည်များကို မြန်မာနိုင်ငံ လူမှုကယ်ဆယ်ရေးအဖွဲ့ (မန္တလေးတိုင်းရုံး) မှ ကူညီဆောင်ရွက်ပေးခဲ့ကြောင်းလည်း သိရသည်။
