ကမ္ဘောဒီးယားနိုင်ငံသို့ ဆီးဂိမ်းစ်ပြိုင်ပွဲဝင်ရောက်ယှဉ်ပြိုင်ရန် ရောက်ရှိနေသည့် မြန်မာ့လက်ရွေးစင်အမျိုးသမီးအသင်းသည် ဖိလစ်ပိုင်အသင်းနှင့်ပွဲစဉ်မတိုင်မီ ပြင်ဆင်မှုအဖြစ် ယနေ့ မေလ ၂ ရက် ညနေပိုင်းက လေ့ကျင့်ရေးအစီအစဉ်ပြုလုပ်ခဲ့သည်။
မြန်မာ့လက်ရွေးစင်အမျိုးသမီးအသင်းသည် ဆီးဂိမ်းစ် အမျိုးသမီးဘောလုံး အားကစား အုပ်စု (က) အဖွင့်ပွဲစဉ်အဖြစ် ဖိလစ်ပိုင်အသင်းနှင့် မနက်ဖြန် (မေလ ၃ရက်) မြန်မာစံတော်ချိန် ည ၇ နာရီ ၃၀ မိနစ်တွင် ယှဉ်ပြိုင်ကစားမည်ဖြစ်သည်။
