မြန်မာ့စီးပွားရေးဘဏ်မှ ငွေစုဘဏ်အပ်ငွေ၊ငွေစုလက်မှတ်အပ်ငွေနှင့်စာရင်းသေအပ်ငွေများ၏ အတိုးနှုန်းများကို ဇွန် ၁ ရက်ကစတင်၍ တိုးမြှင့်ပေးခဲ့သည်။
ငွေစုဘဏ်အပ်ငွေ၏အတိုးနှုန်းအား(၆)ရာခိုင် နှုန်း၊ငွေစုလက်မှတ်အပ်ငွေအတိုးနှုန်းအား(၇)ရာခိုင်နှုန်း၊စာရင်းသေအပ်ငွေအတိုးနှုန်းအား (၁) နှစ်အပ်ငွေ(၇)ရာခိုင်နှုန်းတို့အဖြစ် မြန်မာ့စီးပွားရေးဘဏ်မှ တိုးမြှင့်ပေးခဲ့ခြင်းဖြစ်သည်။
စာရင်းသေအပ်ငွေအတိုးနှုန်း၏ (၁)လအပ်ငွေကိုလည်း (၆)ရာခိုင်နှုန်း၊ (၃)လအပ်ငွေအား (၆ ဒသမ ၂၅)ရာခိုင်နှုန်း၊ (၆)လအပ်ငွေအား (၆ ဒသမ ၅)ရာခိုင်နှုန်း၊ (၉)လအပ်ငွေအား (၆ ဒသမ ၇၅)ရာခိုင်နှုန်းတို့သို့ တိုးမြှင့်ပေးခဲ့သည်။
ယခင်အတိုးနှုန်းများမှာ ငွေစုဘဏ်အပ်ငွေအတိုးနှုန်း(၅ ဒသမ ၅)ရာခိုင်နှုန်း၊ငွေစုလက်မှတ်အပ်ငွေအတိုးနှုန်း(၆ ဒသမ ၅)ရာခိုင်နှုန်း၊စာရင်းသေအပ်ငွေအတိုးနှုန်း(၁) နှစ်အပ်ငွေ(၆ ဒသမ ၅)ရာခိုင်နှုန်းတို့ဖြစ်သည်။
