မြန်မာနိုင်ငံမှ တရုတ်နိုင်ငံ၏ GACC တွင် Competent Authority ထောက်ခံချက်လိုအပ်နေသည့် ကုန်စည်အုပ်စုနှင့် ကိုယ်တိုင်ဝင်ရောက် လျှောက်ထားသည့် ကုန်စည်အုပ်စု အပါအဝင် စုစုပေါင်းအစောင်ရေ (၁၈၅၄) စောင်ကို မှတ်ပုံတင်ခွင့်ပြုလိုက်ပြီဖြစ်ကြောင်း စီးပွားရေးနှင့်ကူးသန်း ရောင်းဝယ်ရေးဝန်ကြီးဌာနကထုတ်ပြန်ထားသည်။
ပြီးခဲ့သည့် ၂ဝ၂၁ ခုနှစ်၊ ဒီဇင်ဘာ(၁)ရက်မှ ၂ဝ၂၃ ခုနှစ်၊ မေလ(၂၆) ရက်နေ့အထိ ကုမ္ပဏီ (၁၁၅၅) ခုမှ အစောင်ရေ (၂၁၉၄) စောင်ကို တရုတ်ပြည်သူ့သမ္မတနိုင်ငံ၊ အကောက်ခွန်အထွေထွေအုပ်ချုပ်မှု အာဏာပိုင်အဖွဲ့(GACC) ကို မှတ်ပုံတင်နိုင်ရေး လျှောက်ထားခဲ့ခြင်းဖြစ်သည်။
မြန်မာနိုင်ငံမှ တရုတ်နိုင်ငံသို့ စိုက်ပျိုးရေးစားသောက်ကုန်များ တင်ပို့သည့် ကုမ္ပဏီများ၏ မှတ်ပုံတင်ခြင်းဆိုင်ရာအတွက် တရုတ်နိုင်ငံ၊ (GACC) အောက်ရှိ Department of Animal and Plant Quarantine ဌာနမှ ကုန်စည်အုပ်စု(၇)မျိုးကို တာဝန်ယူ ဆောင်ရွက်နေခြင်းဖြစ်သည်။
အဆိုပါ ကုန်စည်အုပ်စု (၇)မျိုးမှာ ကော်ဖီစေ့နှင့်ကိုကိုးစေ့၊ဟင်းသီးဟင်းရွက်အစိမ်းများ၊ဟင်းခတ်အမွှေးအကြိုင်များ၊ စားသုံးနိုင်သည့်အစေ့အဆံများ၊ပဲမျိုးစုံ၊ ဆီထွက်အပင်များ၊ တရုတ်တိုင်းရင်းဆေးထုတ်လုပ်သည့် တိရိစ္ဆာန် နှင့်အပင်မူရင်းများပါဝင်ကြောင်း သိရသည်။
