အိမ်ထဲ၌ အိပ်နေသည့် အမျိုးသား အားအရှိန်မထိန်းနိုင်သည့် ကားက အိမ်ထဲအထိ ဝင်တိုက်၍ ဒဏ်ရာရ

0
201

ရန်ကုန်တိုင်း၊ သာကေတမြို့နယ်၊ ရှုခင်းသာလမ်းမကြီးပေါ်တွင် ဇွန် (၁၇) ရက်ညပိုင်းက အိမ်စီးကားတစ်စီး အရှိန်မထိန်းနိုင်ဘဲ လမ်းဘေးရှိ နေအိမ်ထဲသို့ ဝင်သွားခဲ့သည့်အတွက် နေအိမ်အတွင်း အိပ်နေသူအမျိုးသား ဒဏ်ရာရခဲ့သည့် ဖြစ်စဥ် ဖြစ်ပွားခဲ့ကြောင်း သာကေတမြို့နယ်လူမှုကူညီရေးအဖွဲ့မှ သိရသည်။

ယမန်နေ့ ည (၁၂) နာရီခန့်က သာကေတမြို့နယ်၊ ရှုခင်းသာလမ်းမကြီးပေါ်ရှိ (၄၉) အစိမ်းဂိတ်မှတ်တိုင်အနီးတွင် အိမ်စီးကားမှ အရှိန်မထိန်းနိုင်ပဲ လမ်းဘေးရှိနေအိမ်ထဲသို့ဝင်သွားခဲ့ခြင်းဖြစ်ပြီး နေအိမ်ထဲတွင် အိပ်နေသည့် အသက် (၄၀) နှစ်ခန့်ရှိ အမျိုးသားတစ်ဦးတွင် ထိခိုက်ဒဏ်ရာများ(မစိုးရိမ်ရ)ရရှိခဲ့သည်ဟု သိရသည်။

“အရှိန်မထိန်းနိုင်ဘဲ အိမ်နံရံကိုတိုက်ပြီး အိမ်ထဲအထိဝင်သွားတာ ဒဏ်ရာရတဲ့လူက အိမ်ထဲမှာအိပ်နေတဲ့လူပါ။ မစိုးရိမ်ရပါဘူး။ ကားလည်းပျက်စီးသွားတာတွေရှိတယ်။ အိမ်လည်းပျက်စီးသွားတယ် “ဟု သာကေတမြို့နယ်လူမှုကူညီရေးအဖွဲ့၏ သတင်းပြန်ကြားရေးတာဝန်ခံကပြောသည်။

ဖြစ်စဥ်၌ ထိခိုက်ဒဏ်ရာရရှိခဲ့သည့် အမျိုးသားအား သာကေတမြို့နယ် လူမှုကူညီရေးအဖွဲ့မှ မြေပြင်ကုသမှုများပြုလုပ်ပေးပြီးနောက် ပေးဆပ်သူတို့နှလုံးသားပရဟိတအသင်းမှ ရန်ကုန်ပြည်သူ့ဆေးရုံကြီးသို့ ပို့ဆောင်ပေးခဲ့ကြကြောင်း သိရသည်။


LEAVE A REPLY

Please enter your comment!
Please enter your name here