မြောက်ကိုရီးယားသည် မိမိတို့က အစစအရာရာကို ထိန်းထိန်းသိမ်းသိမ်း ကျင့်သုံးနေချိန်တွင် မိမိတို့ လေပိုင်နက်အတွင်း ချိုးဖောက်ဝင်ရောက်လာကြသည့် အမေရိကန်ပြည်ထောင်စုမှ ထောက်လှမ်းရေးလေယာဉ်များအနေဖြင့် ပစ်ချခံရနိုင်ကြောင်း တနင်္လာနေ့(ဇူလိုင် ၁၀ ရက်)တွင် သတိပေးခဲ့သည်။
အမေရိကန်၏ ရန်စသည့် စစ်ရေးဆောင်ရွက်မှုများသည် ကိုရီးယားကျွန်းဆွယ်ကို နျူကလီးယား ပဋိပက္ခဆီသို့ ချဉ်းကပ်လာနေကြောင်း မြောက်ကိုရီးယား အမျိုးသားကာကွယ်ရေး ဝန်ကြီးဌာန၏ တရားဝင် KCNA သတင်းဌာနမှ ထုတ်ပြန်ချက်တွင် အမည်မဖော်လိုသူ အမျိုးသားအရာရှိတစ်ဦးက ပြောကြားခဲ့သည်။
အမေရိကန်တို့သည် ကိုရီးယားကျွန်းဆွယ်အနီးတွင် နျူကလီးယား ရေငုပ်သင်္ဘောတစ်စင်း စေလွှတ်လာသလို၊ ကင်းထောက်လေယာဉ်များနှင့် ဒရုန်းများ အသုံးပြုလာခြင်းကြောင့် တင်းမာမှုများ မြင့်တက်လာစေရန် အမေရိကန်ကပြုလုပ်နေသည်ဟုလည်း သတင်းထုတ်ပြန်ချက်တွင် ဆိုထားသည်။
“အမေရိကန်လေတပ်ရဲ့ ဗျူဟာမြောက် ကင်းထောက်လေယာဉ်ကို ပစ်ချလိုက်တယ်ဆိုတဲ့ မတော်တဆမှုမျိုး ဖြစ်မလာဘူးဆိုတာ အာမမခံနိုင်ပါဘူး” ဟု ကိုရီးယားအရှေ့ဘက် ရေပြင်နှင့်ပတ်သက်သည့် ပြောရေးဆိုခွင့်ရှိသူက ပြောကြားခဲ့သည်။
တောင်ကိုးရီးယားနယ်စပ်နှင့် ကမ်းလွန်ပင်လယ်ပြင်တွင် မြောက်ကိုရီးယားက အမေရိကန်လေယာဉ်ကို ကြားဖြတ်ပစ်ချခြင်း သို့မဟုတ် ကြားဖြတ်ပစ်ခတ်မှု၏ အတိတ်ဖြစ်ရပ်များကိုလည်း ပြန်လည်ဖော်ထုတ်ကာကိုးကားဖော်ပြထားသည်။
မှတ်ချက်ပေးရန် တောင်းဆိုချက်အပေါ် တောင်ကိုရီးယားတွင် တပ်စွဲထားသော အမေရိကန်စစ်တပ်က ချက်ချင်းတုံ့ပြန်ခြင်း မရှိပေ။
