မြောက်ကိုရီးယားသည် ပင်လယ်ဝါဆီသို့ ခရုဇ်ဒုံးကျည်များ ပစ်လွှတ်ခဲ့ကြောင်း တောင်ကိုရီးယား ပူးတွဲစစ်ဦးစီးချုပ်များကို ကိုးကား၍ Yonhap သတင်းဌာနက ဖော်ပြခဲ့သည်။
အဆိုပါ ဒုံးကျည်များကို ဇူလိုင် ၂၁ ရက် ဒေသစံတော်ချိန် နံနက် ၄ နာရီ ခန့်တွင် ပစ်လွှတ်ခဲ့ကြောင်း သိရသည်။
အမေရိကန်နှင့် တောင်ကိုရီးယား သုတေသီများသည် လက်ရှိတွင် ပစ်လွှတ်ခဲ့သည့် ဒုံးကျည်များ၏ လက္ခဏာများကို ဆုံးဖြတ်ရန် အချက်အလက်များကို ခွဲခြမ်းစိတ်ဖြာနေကြောင်း အေဂျင်စီက ပြောကြားခဲ့သည်။
တောင်ကိုရီးယား တပ်ဖွဲ့များသည် မြောက်ကိုရီးယားထံမှ ဒုံးကျည်များ နောက်ထပ်ပစ်လွှတ်နိုင်ခြေအတွက် သတိရှိနေကြဆဲဖြစ်ပြီး ၎င်းတို့၏အမေရိကန်လုပ်ဖော်ကိုင်ဖက်များနှင့် ညှိနှိုင်းဆောင်ရွက်နေကြောင်း တောင်ကိုရီးယားစစ်ဖက်တာဝန်ရှိသူများက ပြောကြားခဲ့သည်။
မြောက်ကိုရီးယားသည် တာတိုပစ်ဒုံးကျည်နှစ်စင်းကို ဂျပန်ပင်လယ်ထဲသို့ ဗုဒ္ဓဟူးနေ့က စမ်းသပ်ပစ်ခတ်ခဲ့သေးသည်။ ဂျပန်ကာကွယ်ရေးဝန်ကြီးဌာန၏ အဆိုအရ ပထမဒုံးကျည်သည် ကီလိုမီတာ ၅၅၀ အထိနှင့် ဒုတိယမြောက် ဒုံးကျည်သည် ကီလိုမီတာ ၆၀၀ အထိ ပျံသန်းခဲ့ကြောင်း သိရသည်။ ယင်းဒုံးကျည်များသည် ဂျပန်နိုင်ငံ၏ သီးသန့်စီးပွားရေးဇုန်အပြင်ဘက်သို့ ကျရောက်ခဲ့ကြသည်။
