ဆိုးလ်၊ဇူလိုင် ၂၄
ကိုဗစ်ကပ်ရောဂါကြောင့် နိုင်ငံနယ်နိမိတ်များအားပိတ်ထားသည့်ပြုံယမ်းသို့ ပထမဆုံးအကြိမ်အနေဖြင့် တရုတ်အဆင့်မြင့်ကိုယ်စားလှယ်အဖွဲ့တစ်ဖွဲ့ သည်ယခုတစ်ပတ်အတွင်းသွားရောက်မည်ဖြစ်ကြောင်း မြောက်ကိုရီးယားနိုင်ငံပိုင်သတင်းဌာန KCNA ကပြောကြားခဲ့သည်။
တရုတ်ကွန်မြူနစ်ပါတီ နိုင်ငံရေး ဦးဆောင် (ပေါလစ်ဗျူရို) အဖွဲ့ဝင် မစ္စတာလီဟောင်ချန်သည် ကိုရီးယားစစ်ပွဲပြီးဆုံးခြင်း နှစ် ၇၀ ပြည့်အထိမ်းအမှတ်အခမ်းအနား၌ ပါဝင်ဆင်နွှဲမည်ဖြစ်ကြောင်းလည်း KCNA သတင်းတွင်ဖော်ပြထားသည်။
မြောက်ကိုရီးယားသည် ကိုဗစ်ရောဂါကြောင့် ၂၀၂၀ ပြည့်နှစ်အစောပိုင်းတွင် ၎င်း၏အဓိကစီးပွားရေးနှင့်နိုင်ငံရေးမဟာမိတ်ဖြစ်သည့် တရုတ်နိုင်ငံနှင့်ပင် ကုန်သွယ်ရေးနှင့်သံတမန်ဖလှယ်မှုအားလုံးကိုပိတ်ခဲ့ခြင်းဖြစ်ပြီး နိုင်ငံပိုင်မီဒီယာ၌လည်း ယခုခရီးစဉ်သည် နိုင်ငံရေးမူဝါဒ အပြောင်းအလဲတစ်စုံတစ်ရာရှိမရှိကိုထုတ်ဖော်ပြောကြားခြင်းမရှိခဲ့ပေ။
Source : Reuters
