စံချိန်သစ်တွေတစ်ခုပြီးတစ်ခု တင်ရှိနေပြီး Standard breaker လို့တောင် နာမည်ပြောင်ရထားတဲ့ စီရော်နယ်ဒိုဟာ သူ့အတွက် စံချိန်သစ်တစ်ခု ထပ်မံရရှိသွားပြီလို့ သိရပါတယ်။
မနေ့ညက ကစားခဲ့တဲ့ ဆော်ဒီ ဖလားပွဲစဉ်မှာလည်း စီရိုနယ်ဒိုဟာ Al Nassr FC မှာ ၃ ပွဲဆက် ဂိုးပေါက်ပျောက်နေမှုကို အဆုံးသတ်နိုင်ခဲ့ပြီး ခေါင်းတိုက်ဂိုးနဲ့ တစ်ဂိုးသွင်းယူနိုင်ခဲ့ပါတယ်။
အဲ့ဒီခေါင်းတိုက်ဂိုးဟာ စီရော်နယ်ဒို ရဲ့ပရော်ဖက်ရှင် ကစားသမားဘ၀ ၁၄၅ ဂိုးမြောက် ခေါင်းတိုက်သွင်းဂိုး ဖြစ်ခဲ့ပြီး ဂျာမန် ဂန္ထဝင်ကြီး ဂတ်မူလာတင်ရှိထားတဲ့ ၁၄၄ ဂိုးကို ကျော်ဖြတ်ပြီး ဘောလုံးသမိုင်းတလျောက် ခေါင်းတိုက် သွင်းဂိုးအများဆုံး ကစားသမားအဖြစ် စံချိန်မှတ်တမ်းသစ် ရယူနိုင်ခဲ့ပါတယ်။
ပေါ်တူဂီတိုက်စစ်မှုးကြီး စိီရော်နယ်ဒိုဟာ အသက် ၃၈ နှစ်အရွယ်ရှိနေပြီဖြစ်ပေမယ့် စံချိန်သစ်တွေ တစ်ခုပြီးတစ်ခု ရယူနေတုန်းပါပဲ။
