ဗုဒ္ဓဘာသာဝင်များ၏ နေ့ထူးနေ့မြတ်အခါသမယဖြစ်သည့် ဝါဆိုလပြည့်(ဓမ္မစကြာအခါတော်နေ့) ဖြစ်သည့် ဩဂုတ်လ ၁ရက်နေ့ (ယနေ့)တွင် ရွှေတိဂုံစေတီတော်မြတ်ကြီး၌ ဘုရားဖူးလာသူများဖြင့်ကိုမြင်တွေ့ရခြင်းဖြစ်ပါသည်။
ဝါဆိုလပြည့်(ဓမ္မစကြာအခါတော်နေ့)တွင် ရွှေတိဂုံစေတီတော်မြတ်ကြီးရှိ အာရုံမုခ်ဦး(၄)ခုရှိ ပွင့်တော်မူပြီးသောဘုရားလေးဆူနှင့် အထက်ပစ္စယံပတ္တမြားမျက်ရှင် ရုပ်ပွားတော်တို့ကို ဝါဆိုရွှေကြာသင်္ကန်းကပ်လှူပူဇော်ပွဲအခမ်းအနား၊ ဓမ္မစကြာအခါတော်နေ့အခမ်းအနားနှင့် ဝါတွင်းသီလခံယူပွဲအခမ်းအနားများကို ကျင်းပပြုလုပ်ခဲ့သည်။
