နိုင်ဂျာနိုင်ငံတွင် အာဏာသိမ်းမှုသည် ဥရောပသို့ ယူရေနီယံ တင်ပို့မှုကို တားဆီးနိုင်ပြီး ပြင်သစ်နှင့် အခြားနိုင်ငံများတွင် နျူကလီးယား စွမ်းအင်ထုတ်လုပ်မှုကို ထိခိုက်စေနိုင်သည်ဆိုသော စိုးရိမ်မှုများ ဖြစ်ပေါ်စေခဲ့သည်။ သို့သော် ယခုအချိန်အထိ ရင်းမြစ်များကွဲပြားခြင်းနှင့် သိုလှောင်ထားသောယူရေနီယံ စာရင်းများကိုလေ့လာ၍ အနှောင့်အယှက်များကို အချိန်တိုတိုအတွင်း လျှော့ချနိုင်စေရန် ကြိုးပမ်းသင့်သည်ဟု ကျွမ်းကျင်သူများက ဆိုသည်။
ပြင်သစ်သမ္မတဟောင်း ချားလ်စ်ဒီဂေါလ် လက်ထက်က ကာလရှည်ကြာစွာ ရပ်တည်ခဲ့သော မူဝါဒကြောင့် ပြင်သစ်သည် ၎င်း၏ လျှပ်စစ်ဓာတ်အား ၇၀ ရာခိုင်နှုန်းခန့်ကို နျူကလီးယားစွမ်းအင်မှ ရရှိပြီး အခြားနိုင်ငံများထက် နျူအသုံးပြုမှု ပိုမိုများပြားသည်။ ပြင်သစ်သည် ကမ္ဘာ့အကြီးဆုံး နျူစွမ်းအင်ကို အသားတင် တင်ပို့သည့် နိုင်ငံဖြစ်ပြီး တစ်နှစ်လျှင် ယူရို ၃ ဘီလီယံကျော် ရရှိသည်။
သို့သော် ပြီးခဲ့သည့် သီတင်းပတ်က နိုင်ဂျာတွင် စစ်တပ်က အာဏာသိမ်းမှု နှင့် အနောက်အာဖရိက နိုင်ငံသည် ပြင်သစ်သို့ ယူရေနီယံ ထောက်ပံ့မှုကို ရပ်ဆိုင်းရန် ရည်ရွယ်ထားကြောင်း အတည်မပြုနိုင်သော အစီရင်ခံစာများအရ ပြင်သစ်နိုင်ငံသည် ယင်းကိစ္စနှင့်ပတ်သက်၍ မည်သည့် အခန်းကဏ္ဍမှ ပါဝင်မည်နည်းဟူသော မေးခွန်းများ ထွက်ပေါ်လာခဲ့သည်။
ပြင်သစ်သမ္မတ အီမန်နျူယယ်မိုက်ခရွန်က “စွမ်းအင်လွတ်လပ်ရေး” ကို ထပ်ခါတလဲလဲ တောင်းဆိုပေးခဲ့သော ပြင်သစ်နိုင်ငံ၏ စွမ်းအင်အစုစုတွင် နျူကလီးယားစွမ်းအင်၏ အခန်းကဏ္ဍကို အစီရင်ခံစာများက မေးခွန်းထုတ်စေခဲ့သည်။
“နိုင်ဂျာသည် ပြင်သစ်ကို ၎င်း၏နျူကလီးယားဓာတ်အားပေးစက်ရုံများအတွက် လိုအပ်သော ယူရေနီယမ်ကို ထောက်ပံ့ပေးသည်… သတိပေးချက်- နျူကလီးယားဓာတ်အားသည် စွမ်းအင်လွတ်လပ်ရေးအတွက် မဖြစ်စေရ” ဟု လက်ဝဲဝါဒီ နိုင်ငံရေးသမား Sandrine Rousseau က X (ယခင် Twitter) တွင် ဇူလိုင် ၂၉ ရက်က ပြောကြားခဲ့သည်။
ရုရှား ဝက်ဂနာ ကြေးစားတပ်ဖွဲ့ပိုင်ရှင် ပရီဂိုဇင်ကလည်း မိမိတို့တပ်ဖွဲ့၏ ဝန်ဆောင်မှုများကို နိုင်ဂျာနိုင်ငံသို့ ကမ်းလှမ်းနေကြောင်း သိရသည်။
