မိုးလေဝသနှင့်ဇလဗေဒညွှန်ကြားမှုဦးစီးဌာန၏ သြဂုတ် ၉ ရက်(ယနေ့)နံနက် ၆ နာရီခွဲတွင် တိုင်းထွာချက်အရ ပဲခူးတိုင်းရှိ ပဲခူးမြစ်ရေသည် ပဲခူးမြို့၏စိုးရိမ်ရေမှတ်အထက်ရောက်ရှိနေသည်ဟု သိရသည်။
အဆိုပါ ပဲခူးမြစ်ရေသည် လာမည့် ၂၄ နာရီအတွင်း၌ ပဲခူးမြို့၏ စိုးရိမ်ရေမှတ်အထက်သို့ (၂)ပေခန့်ထပ်မံဖြင့်တက်ကာ စိုးရိမ်ရေမှတ်အထက်တွင် ဆက်လက်ရပ်တည်နေမည်ဟု မိုးဇလမှ ယနေ့နံနက် ၇ နာရီကထုတ်ပြန်ခဲ့သည်။
ထို့ကြောင့် ပဲခူးမြို့နယ်အတွင်းရှိ မြစ်ကမ်းအနီးနှင့်မြေနိမ့်ပိုင်းတွက်နေထိုင်သူများအနေဖြင့် အထူးသတိပြုနေထိုင်ကြရန် မိုးဇလကအသိပေးနှိုးဆော်ထားသည်။
