သားအိမ်ခေါင်း ကင်ဆာရောဂါကာကွယ် ဆေးထိုးနှံခြင်း အစီအစဉ်ကို ယခုသြဂုတ်လ နောက်ဆုံးပတ်နှင့်စက်တ င်ဘာလတို့တွင် ကျောင်းများအား အခြေပြုကာထိုးနှံပေးသွားမည်ဖြစ်ကြောင်း သိရသည်။
အသက် (၉) နှစ် ပြည့်ပြီး (၁၂) နှစ်မကျော်သောမိန်းက လေးငယ်များအား သားအိမ်ခေါင်းကင်ဆာရောဂါကာ ကွယ်ဆေး(HPV)ထိုးနှံခြင်း ဖွင့်ပွဲကို သြဂုတ် (၂၂) နံနက် (၉) နာရီက နေပြည်တော်ရှိ ကျန်းမာရေးဝန်ကြီးဌာန၌ ကျ င်းပခဲ့ပြီး ပညာရေးဝန်ကြီးဌာန ပြည်ထောင်စုဝန်ကြီးဒေါ က်တာညွှန့်ဖေနှင့် ကျန်းမာရေးဝန်ကြီးဌာန ပြည်ထောင်စုဝန်ကြီးဒေါက်တာသက်ခိုင်ဝင်းတို့ တက်ရောက်ခဲ့ ကြော င်း သိရသည်။
အဆိုပါ အခမ်းအနားတွင် ပြည်ထောင်စုဝန်ကြီး ဒေါက်တာညွှန့်ဖေက ပညာရေးဝန်ကြီးဌာနအနေဖြင့် မိန်းက လေး ငယ်များအား သားအိမ်ခေါင်းကင်ဆာရောဂါကာကွယ် ဆေးထိုးနှံရာတွင် ကျန်း မာရေးဝန်ကြီးဌာနနှင့် ပူး ပေါင်းဆောင်ရွက်၍ ကာကွယ် ဆေးထိုး စုရပ်ပြင်ဆင်ရာတွင် ကူညီဆောင်ရွက်ခြင်း၊ကာကွယ် ဆေးထိုးနှံသည့်နေရာများ စနစ်တကျရှိရန် ဆောင်ရွက်ခြင်းနှင့် ကာကွယ် ဆေးထိုးနှံချိန်တွင် လိုအပ်သည်များကို ဆက်လက်ပူးပေါ င်းဆောင်ရွက်သွားမည်ဟု ပြောကြားခဲ့သည်။
ထို့အပြင် သားအိမ်ခေါင်းကင်ဆာရောဂါကြောင့် သေဆုံးသူများ၏ ၉၀ ရာခိုင်နှုန်းမှာ ဖွံ့ ဖြိုးမှုနည်းသော နိုင်ငံများတွင်ဖြစ်ပြီး ၎င်းနိုင်ငံများတွင်ရောဂါကြောင့်သေဆုံးမှုနှုန်းမြင့်မားသည်ကိုတွေ့ရကြောင်း ပြည်ထောင်စုဝန်ကြီး ဒေါက်တာသက်ခိုင်ဝင်းက ပြောသည်။
သားအိမ်ခေါင်းကင်ဆာရောဂါကာ ကွယ်ဆေးထိုးနှံထားခြင်းဖြင့် အသက်ငယ်ရွယ်သည့် မိန်းကလေးများတွင် သားအိမ်ခေါင်းကင် ဆာရောဂါဖြစ်ပွားစေသည့် Human Papilloma Virus(HPV)သားအိမ်ခေါင်းကင်ဆာဗိုင်းရပ်စ်ပိုး ကူးစက်မှုနှုန်းကို ၈၃ ရာခိုင်နှုန်းလျှော့ချနိုင်မည်ဖြစ်ပြီး ယခုထိုးနှံပေးမည့် ကာကွယ်ဆေးမှာ HPV ပိုးအမျိုးအစားလေးမျိုးကို ကာကွယ်နိုင်သည့် ကာကွယ် ဆေးဖြ စ်၍ သားအိမ်ခေါင်းကင်ဆာရောဂါဖြစ်ပွားမှုကို ၉၅ ရာ ခိုင်နှုန်းအထိ ကာကွယ်ပေးနိုင်မည်ဟု ပြောကြားခဲ့သည်။
ထို့နောက် သားအိမ်ခေါင်း ကင်ဆာရောဂါကာ ကွယ်ဆေးထိုးနှံခြင်း အထိမ်းအမှတ် မှတ်တမ်းဗီဒီယိုပြသပြီး ပြည် ထောင်စုဝန်ကြီး (၂) ဦးနှင့် တာဝန်ရှိသူများက ပြခန်းများကို ကြည့်ရှုခဲ့ကြပြီး ဇမ္ဗူသီရိမြို့နယ်၊အမှတ် (၆) အခြေ ခံပညာအထက်တန်းရှိ အသက်(၉)နှစ်ပြည့်ပြီး (၁၂)နှစ် မကျော်သော မိန်းကလေးငယ် (၁၄၆) ဦးအား သားအိမ်ခေါ င်းကင်ဆာ ရောဂါကာကွယ်ဆေး ထိုးနှံပေးနေမှုကို ကြည့် ရှုအားပေးခဲ့ကြကြောင်း သိရသည်။
မြန်မာနိုင်ငံ၌ သားအိမ်ခေါင်းကင်ဆာ ရောဂါကာကွယ် ဆေးထိုးနှံခြင်း အစီအစဉ်ကို ဩဂုတ်လနှင့် စက်တင် ဘာလတို့တွင် ကျောင်းအခြေပြုထိုးနှံပေးမည်ဖြစ်ပြီး အောက်တိုဘာလတွင် ပြည်သူလူထုအခြေပြုထိုးနှံပေးသွားမည်ဖြစ်ကြောင်း သိရသည်။
