နေပြည်တော်၊ ဒက္ခိဏသီရိမြို့နယ်၌ တည်ထားကိုးကွယ်တော်မူသည့် မာရဝိဇယ ဗုဒ္ဓရုပ်ပွားတော်မြတ်ကြီး ဘက်စုံပြုပြင်မွန်းမံရေး လုပ်ငန်းများတွင် အသုံးပြုရန် အလှူငွေအဖြစ် ယွမ် ၁၅၀၀၀၀ လက်ခံရရှိခဲ့ကြောင်း သိရသည်။
အလှူငွေ ယွမ် ၁၅၀၀၀၀ အား တရုတ်နိုင်ငံ၏ Yunnan Jade Empire Network Technology Co; Ltd မှ CEO ဖြစ်သူ Mr. Zhao Zhang Ao မှ စက်တင်ဘာ (၄)ရက်နံနက် (၁၀) နာရီက မြန်မာသံရုံး ၊ ပေကျင်းမြို့သို့ လာရောက်ပေးအပ်လှူဒါန်းခဲ့ကြောင်း သိရသည်။
အဆိုပါ အလှူငွေများအား မြန်မာသံရုံး၊ ပေကျင်းမြို့၏ မြန်မာသံအမတ်ကြီး ဦးတင်မောင်ဆွေက လက်ခံရယူခဲ့ကြောင်း သိရသည်။
