ဆိုးလ်၊စက်တင်ဘာ ၁၃
မြောက်ကိုရီးယားခေါင်းဆောင် ကင်မ်ဂျုံအမ်းက ရုရှားသို့ရောက်ရှိနေသည့်၎င်း၏ခရီးစဉ်သည် နှစ်နိုင်ငံပူးပေါင်းဆက်ဆံရေး၏ မဟာဗျူဟာမြောက်အရေးပါမှုတစ်ခုဖြစ်သည်ဟုပြောကြားခဲ့သည်။
မြောက်ကိုရီးယားခေါင်းဆောင်နှင့်ရုရှားခေါင်းဆောင်တို့အနေဖြင့် လက်နက်ကုန်သွယ်ရေးအတွက် တွေ့ဆုံဆွေးနွေးမှုမလုပ်သင့်ကြောင်း ဝါရှင်တန်ကသတိပေးနေသည့်ကြားမှပင် ကင်မ်သည်ရုရှားသို့သီးသန့်ရထားဖြင့် အင်္ဂါနေ့ကရောက်ရှိလာခြင်းဖြစ်သည်။
မြောက်ကိုရီးယားနိုင်ငံပိုင်မီဒီယာတစ်ခုဖြစ်သည့် KCNA ကမူ ကင်မ်ဂျုံအမ်းသည်နယ်စပ်မြို့ ခါဆန်သို့သီးသန့်ရထားဖြင့်ရောက်ရှိလာစဉ် ရုရှားအရာရှိများနှင့်အခြားတာဝန်ရှိသူများက ကြိုဆိုခဲ့သည့်မှတ်တမ်းများကိုထုတ်လွှင့်ခဲ့သည်။
ကင်မ်၏ယခုရုရှားခရီးစဉ်သည် လေးနှစ်နီးပါးကာလအတွင်း ၎င်း၏ပထမဆုံးရုရှားခရီးစဉ်ဖြစ်သကဲ့သို့ ကမ္ဘာ့ကပ်ရောဂါအပြီးတွင် ပြန်လည်စတင်သည့်ပထမဆုံးခရီးလည်းဖြစ်ကြောင်းသိရသည်။
မြောက်ကိုရီးယားခေါင်းဆောင်၏ရုရှားခရီးစဉ်သည် နှစ်နိုင်ငံအကြား ပူးပေါင်းဆောင်ရွက်မှုနှင့် ရင်းနှီးချစ်ကြည်မှုကိုလည်းတိုးမြင့်လာစေနိုင်ကြောင်း ကေစီအင်န်အေကပြောကြားခဲ့သည်။
Source : CNA
