ရခိုင်ပြည်နယ်၊ သံတွဲမြို့နယ်၊ ငပလီမြို့ရှိ ငပလီကမ်းခြေသို့ ယနေ့ အောက်တိုဘာ (၂) ရက် နံနက် ၉ နာရီခွဲခန့်က သေ-ဆုံးနေသည့် ကျွဲ၊နွားများ ပင်လယ်ဘက်မှမျောပါရောက်ရှိလာကြောင်း သိရသည်။
“ပင်လယ်ဘက်က မျောလာတာ အများကြီးပဲ။ ပုတ်ပွနေတဲ့အကောင်တွေကြီးပဲ။ တာဝန်ရှိတဲ့ လူတွေကတော့ ဘယ်လိုကြောင့် မျောပါလာလဲဆိုတာကို စုံစမ်းနေကြတယ်။ ကျွန်တော်တို့ စုံစမ်းရသလောက်ဆိုရင် ဒီရက်ထဲ စက်လှေမှောက်တာလည်းမရှိဘူးဗျ”ဟု လူမှုကူညီရေးအသင်းဝင်တစ်ဦးကပြောသည်။
ပင်လယ်ဘက်မှ မျောပါလာသည့် သေဆုံးနေသော ကျွဲ၊ နွားများအား သံတွဲမြို့နယ် မီးသတ်စခန်းမှ တပ်ဖွဲ့ဝင်များ၊တာဝန်ရှိသူများနှင့် လူမှုကူညီရေးအသင်းဝင်များက ဆယ်ယူ၍ စနစ်တကျမြှုပ်နှံခဲ့ကြကြောင်း သိရသည်။
