လူဝင်မှုကြီးကြပ်ရေးနှင့်ပြည်သူ့အင်အားဝန်ကြီး ဌာနနှင့် UNDP-UNHCR တို့ကြားနားလည်မှုစာချွန်လွှာ(MoU)လက်မှတ်ရေးထိုးရေးနှင့်ပတ်သက်၍ လဝက ပြည်ထောင်စုဝန်ကြီးဦးမြင့်ကြိုင်နှင့်ကုလ သမဂ္ဂဒုက္ခသည်များဆိုင်ရာ မဟာမင်းကြီးရုံး (UNHCR)၏ မြန်မာနိုင်ငံဆိုင်ရာဌာနေကိုယ်စား လှယ် Ms. Noriko Takagi တို့ဆွေးနွေးခဲ့ကြသည်။
ပြည်ထောင်စုဝန်ကြီးဦးမြင့်ကြိုင်မှ UNHCR ၏ မြန်မာနိုင်ငံဆိုင်ရာဌာနေကိုယ်စားလှယ် Ms. Noriko Takagi အား အောက်တိုဘာ ၉ ရက်နံနက် ၁၀ နာရီက နေပြည်တော်၌လက်ခံတွေ့ဆုံခဲ့သည်။
တွေ့ဆုံစဉ် ရခိုင်ပြည်နယ်မှ နေရပ်စွန့်ခွာသူများ ပြန်လည်လက်ခံရေးအတွက် လဝက ဝန်ကြီးဌာနနှင့် UNDP-UNHCR တို့ကြားနားလည်မှုစာချွန်လွှာ (MoU)လက်မှတ်ရေးထိုးနိုင်ရန် MoU ပါ အချက် အလက်၊အသုံးအနှုန်းများ ပြင်ဆင်၊အတည်ပြုဆောင်ရွက်နိုင်ရေးကို ဆွေးနွေးခဲ့ကြသည်။
ထို့ပြင် MoU တွင် ထည့်သွင်းဖော်ပြမည့် စကား လုံးအသုံးအနှုန်းများနှင့်ပတ်သက်၍ နှစ်ဖက်ညှိ နှိုင်းဆွေးနွေးမှုအပေါ် ပြန်လည်ပြင်ဆင်ပြုစုနိုင်ရေး၊ MoU ချုပ်ဆိုရန်ဆောင်ရွက်နေစဉ်အတွင်း UNHCR ၏ နိုင်ငံခြားသားဝန်ထမ်းများအတွက် ပြည်ဝင်ဗီဇာနှင့်နေခွင့်သက်တမ်းတိုးမြှင့်နိုင်ရေးအတွက် ဆောင်ရွက်ပေးမှုတို့ကိုလည်း ဆွေးနွေးခဲ့ကြသည်။
ထို့အတူ ရခိုင်ပြည်နယ်မှနေရပ်စွန့်ခွာသူများ ပြန် လည်ဝင်ရောက်နိုင်ရေးနှင့်ပတ်သက်သည့် လုပ် ငန်းများထိရောက်စွာ ကူညီဆောင်ရွက်ပေးနိုင်ရေးအတွက် ဝန်ကြီးဌာနနှင့် UNHCR တို့ကြား ရိုးရှင်းသည့် MoU တစ်ရပ်ဖြစ်စေရေးအတွက် နှစ်ဘက်ညှိနှိုင်းဆောင်ရွက်သင့်သည့် အခြေအနေများ၊မြန်မာနိုင်ငံမှ ကြိုးပမ်းဆောင်ရွက်နေသည့် နေရပ်စွန့်ခွာသူများပြန်လည်လက်ခံရေးလုပ်ငန်း စဉ်ကို UNHCR အနေဖြင့် သိရှိနားလည်ပြီး အပြု သဘောဆောင်သည့် ပူးပေါင်းကူညီမှုများဆောင် ရွက်ပေးနိုင်ရေးတို့ကိုလည်း ဆွေးနွေးခဲ့ကြကြောင်း သိရသည်။
