မုတ်သုံလေဖိအားနည်းမြောင်တန်းသည် မြန်မာနိုင်ငံ မြစ်ဝကျွန်းပေါ်နှင့် မုတ္တမကွေ့ ဒေသများမှ ဖြတ်သန်းလျက်ရှိကြောင်း မိုးလေဝသနှင့် ဇလဗေဒ ညွှန်ကြားမှု ဦးစီးဌာနမှ အောက်တိုဘာ (၁၀) ရက်နံနက်ပိုင်းက ထုတ်ပြန်ခဲ့သည်။
ထို့ပြင် ရန်ကုန်တိုင်း၊ နေပြည်တော်၊ မန္တလေးတိုင်း၊ ဧရာဝတီတိုင်းနှင့် မွန်ပြည်နယ်တို့တွင် အောက်တိုဘာ (၁၀) ရက်ညနေပိုင်းအထိ နေရာကွက်၍ မိုးသည်းထန်စွာရွာသွန်းနိုင်ကြောင်းလည်း မိုးဇလက အသိပေးထားသည်။
ထို့အတူ စစ်ကိုင်းတိုင်း(အောက်ပိုင်း)၊ မကွေးတိုင်း ၊ ချင်းပြည်နယ်နှင့် ရခိုင်ပြည်နယ်တို့တွင် နေရာကွက်ကျား၊ စစ်ကိုင်းတိုင်း(အထက်ပိုင်း)၊ ကချင်ပြည်နယ်နှင့် ကယားပြည်နယ်တို့တွင် နေရာကျဲကျဲ၊ ရှမ်းပြည်နယ်(မြောက်ပိုင်း)တို့တွင် နေရာစိပ်စိပ် မိုးသည်းထန်စွာရွာသွန်းနိုင်ကြောင်း သိရသည်။
ထို့အပြင် မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် လှိုင်းအသင့်အတင့်ရှိနိုင်ပြီး (၄) ပေမှ (၆) ပေခန့်ရှိနိုင်ကြောင်း မိုးဇလ၏ ထုတ်ပြန်ချက်အရ သိရသည်။
