အစ္စရေး၏ လေကြောင်းတိုက်ခိုက်မှုကြောင့် ဂါဇာကမ်းမြှောင်ဒေသတွင် အနည်းဆုံး လူနေအိမ် အဆောက်အအုံ ၂၂,၆၃၉ လုံးနှင့် ဆေးဘက်ဆိုင်ရာ အဆောက်အအုံ ၁၀ လုံး ပျက်စီးခဲ့ကြောင်း ပါလက်စတိုင်း နိုင်ငံခြားရေး ဝန်ကြီးဌာနက X လူမှုကွန်ရက်တွင် ရေးသားခဲ့သည်။
ထို့အပြင် စာသင်ကျောင်း ၄၈ ကျောင်းလည်း ပျက်စီးခဲ့ကြောင်း အစီရင်ခံစာအရ သိရသည်။
လူနေဒေသအများအပြားတွင်လည်း လျှပ်စစ်မီးနှင့် အင်တာနက် ဝန်ဆောင်မှုများ ပြတ်တောက်လျှက်ရှိကြောင်း Al Arabiya ရုပ်သံလိုင်းက ကြေညာသည်။
အစ္စရေးပိုင်နက်အတွင်း ဂါဇာကမ်းမြှောင်မှ ဟားမတ်စ်တို၏ တိုက်ခိုက်မှုကြောင့် အရှေ့အလယ်ပိုင်းတွင် အောက်တိုဘာ ၇ ရက်မှစတင်၍ တင်းမာမှုများ မြင့်တက်လာခဲ့သည်။
နောက်ဆုံးရတရားဝင်ကိန်းဂဏန်းများအရ ပါလက်စတိုင်း ၉၀၀ နီးပါးသေဆုံးပြီး ၄၅၀၀ ကျော် ဒဏ်ရာရရှိခဲ့သလို၊ အစ္စရေး ၁၀၀၀ ခန့် သေဆုံးကာ ၃၄၀၀ ကျော် ဒဏ်ရာရရှိခဲ့ကြောင်း သိရသည်။
အစ္စရေးကလည်း ဂါဇာကမ်းမြှောင်ဒေသကို အလုံးစုံ ပိတ်ဆိုထားပြီး စစ်ဖြစ်နေကြောင်း ကြေညာထားသည်။
ဟားမတ်စ်တို့ကလည်း ရှည်လျားသောစစ်ပွဲ အပါအဝင် ဖြစ်ပွားနေသောပဋိပက္ခ၏ “အခြေအနေအားလုံး” အတွက် အဆင်သင့်ရှိနေကြောင်းကြေညာထားသည်။
