ယနေ့နံနက်ကကျင်းပခဲ့သည့် NCA ၈ နှစ်ပြည့် အထိမ်းအမှတ်သို တက်ရောက်လာကြသည့် နိုင်ငံခြားသားများတွင် မြန်မာနိုင်ငံအခြေစိုက်သံရုံးများမှ သံတမန် (၃၂)ဦး၊ သံအမတ်ကြီး (၁၀)ဦး၊ သံရုံးယာယီတာဝန်ခံ (၇)ဦး၊ အခြားအဆင့်သံတမန်(၄)ဦး နှင့် UNOCHAမှ (၁)ဦးတိုတက် ရောက်ကြကြောင်း သိရသည်။
ထိုပြင် မြန်မာနိုင်ငံနှင့်နယ်နိမိတ်ထိစပ်နေသော အိမ်နီးချင်းများဖြစ်ကြတဲ့ တရုတ်၊ အိန္ဒိယ၊ ထိုင်း နိုင်ငံတို့မှလည်း တက်ရောက်ခဲ့ကြသည်ကိုတွေ့ရသည်။
ထိုင်းနိုင်ငံခြားရေးရာဝန်ကြီးဌာန H.E Mr.Apichart Chinwanno ကိုယ်စားတက်ရောက်သူ (၄)ဦး၊
အိန္ဒိယသမ္မတနိုင်ငံမှ နိုင်ငံတော်လုံခြုံရေးဆိုင်ရာအကြံပေးပုဂ္ဂိုလ်
H.E Shri Ajit Kumar Doval ကိုယ်စားတက်ရောက်သူ(၂)ဦး၊
တရုတ်နိုင်ငံခြားရေးဝန်ကြီးဌာန၊အာရှရေးရာအထူးကိုယ်စားလှယ်တိန်ရှိကျွမ်းနှင့်အတူ(၄)ဦး တို့တက် ရောက်ခဲ့ကြသည်။
NCA ကို ဖော် ဆောင်ခဲ့ကြသည့် နိုင်ငံတော်သမ္မတ ဦးသိန်းစိန်လက်ထက်မှ အစိုးရနှင့် လွတ်တော် ထိပ်ပိုင်းပုဂ္ဂိုလ်များကိုလည်း စုံစုံညီညီ ပြန်လည်မြင်တွေ့ခဲ့ကြရသည်။
NCA လက်မှတ်ရေးထိုးရာတွင် ပါဝင်ခဲ့ကြသည့် အသိသက်သေများ၊ NCA ညှိနှိင်းဆွေးနွေးစဉ်က ပါဝင်ခဲ့ကြသည့်ပြည်ထောင်စုငြိမ်းချမ်းရေးဖော်ဆောင်ရေးဗဟိုကော်မတီ(UPCC)နှင့် ပြည်ထောင် စု ငြိမ်းချမ်းရေးဖော်ဆောင်ရေးလုပ်ငန်းကော်မတီ(UPWC)တိုမှ တာဝန်ရှိသူများ၊ ပြည်ထောင်စုငြိမ်းချမ်းရေးဆွေးနွေးမှု ပူးတွဲကော်မတီ(UPDJC) အဖွဲဝင်များ၊ ပစ်ခတ်တိုက်ခိုက်မှုရပ်စဲရေးဆိုင်ရာ ပူးတွဲစောင့်ကြည့်ရေးကော်မတီ(JMC)မှ တာဝန်ရှိသူများ၊ ပါတီ ခေါင်းဆောင်များ၊ NCA လက်မှတ်ရေးထိုးသူ တိုင်းရင်းသားလက်နက်ကိုင်အဖွဲအစည်းများမှ ၄၃ ဦး၊နိုင်ငံရေးပါတီများမှ ၃၅ ဦးနှင့် NGO/INGO တို့မှ ၁၁ ဦး တက်ရောက်ကြကြောင်း သိရသည်။
NCA စာချုပ်ကို ၂၀၁၅ ခုနှစ်၊ အောက်တိုဘာ ၁၅ ရက်တွင် အစိုးရ၊လွှတ်တော်၊တပ်မတော်နှင့် တိုင်းရင်းသားလက်နက်ကိုင်အဖွဲ ၈ ဖွဲတိုက ကုလသမ ဂ္ဂအပါအဝင် နိုင်ငံတကာသံတမန်များနှင့်အသိသက်သေများ၊ပြည်တွင်းအသိသက်သေများရှေ့ မှောက်တွင် လက်မှတ်ရေးထိုးခဲ့ပြီး ၂၀၁၈ ခုနှစ်၊ဖေဖော်ဝါရီ ၁၃ ရက်တွင် မွန်ပြည်သစ်ပါတီနှင့်လားဟူဒီမိုကရက်တစ်အစည်းအရုံးတိုမှ ထပ်မံပါဝင်လက်မှတ်ရေးထိုးခဲ့ကြသည်။
NCA စာချုပ်လက်မှတ်ရေးထိုးခြင်း နှစ်ပတ်လည် နေ့များကို ၄ နှစ်ဆက်တိုက်ကျင်းပနိုင်ခဲ့ပြီး ကိုဗစ်(၁၉)ရောဂါဖြစ်ပွားမှုကြောင့် ၂၀၂၀ ပြည့်နှစ် (၅) နှစ်မြောက် နှစ်ပတ်လည်နေ့၌ အခမ်းအနားကျင်းပနိုင်ခဲ့မှုမရှိသော်လည်း သဝဏ်လွှာများအ ပြန်အလှန်ပေးပို၍ နှစ်ပတ်လည်နေ့ကိုဂုဏ်ပြုခဲ့ကြပြီး ၂၀၂၁ ခုနှစ်နှင့် ၂၀၂၂ ခုနှစ်တို့တွင် နှစ်ပတ်လည်နေ့များကိုပြန်လည်ကျင်းပခဲ့ကာ ယနေ့ကျရောက်သည့် (၈)နှစ်မြောက်နှစ်ပတ်လည်နေ့ အခမ်းအနားကို ခမ်းနားစွာကျင်းပနိုင်ခဲ့သည်။
