ဒါကာ၊အောက်တိုဘာ ၂၄
အောက်တိုဘာလ ၂၃ ရက်နေ့တွင် ဘင်္ဂလားဒေ့ရှ်နိုင်ငံ၌ ရထားနှစ်စင်းတိုက်မိရာ လူ ၁၇ ဦးေ-သဆုံးပြီး အယောက် ၁၀၀ ကျော်ဒဏ်ရာရခဲ့သည်ဟုအာဏာပိုင်များကပြောကြားခဲ့ပြီး ယခုမတော်တဆမှုကြောင့် ေ-သဆုံးသူဦးရေထပ်မြင့်တက်လာမည်ကိုလည်းစိုးရိမ်မိကြောင်းပြောကြားခဲ့သည်။
ယခုဖြစ်စဉ်တွင် ကုန်တင်ရထားသည် လမ်းချော်ပြီး ခရီးသည်တင်ရထားအား ဝင်တိုက်မိခဲ့ခြင်းဖြစ်ကြောင်းသိရပြီး ရထားနှစ်စင်းတိုက်မိမှုကြောင့် ခရီးသည်တင်ရထား၏ ရထားတွဲနှစ်တွဲ လမ်းချော်ပြုတ်ထွက်သွားခဲ့သည်ဟုသိရသည်။
လက်ရှိအချိန်အထိ ေ-သဆုံးသူ ၁၇ ဦးရှိပြီဖြစ်သော်လည်း မှောက်သွားသည့်ရထားတွဲ၏ အောက်တွင်ညှပ်ပြီးပိတ်မိနေသည့် ရုပ်အလော-င်းများကိုမြင်နေရသေးသောကြောင့် “ေ-သဆုံးသူအရေအတွက်ထပ်တိုးလာနိုင်ပါသေးတယ်” ဟုလည်း ကယ်ဆယ်ရေးအဖွဲ့ဝင်တစ်ဦးကပြောကြားခဲ့သည်။
မှောက်နေသည့်ရထားတွဲနှစ်တွဲမှ အသက်ရှင်လျက်လူနှစ်ယောက်ကိုကယ်ထုတ်နိုင်ခဲ့သည်ဟုလည်းသိရသည်။ ယခုဖြစ်စဉ်အားစုံစမ်းရန်လည်း အာဏာပိုင်များကညွှန်ကြားထားပြီး အရေးပေါ်သွေးလိုအပ်သည့်အတွက် သွေးများလှူဒါန်းရန်လည်းသွေးအလှူရှင်များအားအကူအညီတောင်းထားကြောင်းသိရသည်။
ဘင်္ဂလားဒေ့ရှ်နိုင်ငံ၌ ယခုကဲ့သို့မျိုးရထားမတော်တဆမှုများသည် ဖြစ်လေ့ဖြစ်ထရှိသောမတော်တဆမှုများဖြစ်ကာ အချက်ပြစနစ်အားနည်းခြင်း၊နမော်နမဲ့ပြုမူခြင်း၊ရထားလမ်းဟောင်းများနှင့်အခြားချို့ယွင်းချက်များကြောင့်လည်း ဖြစ်လေ့ရှိကြောင်းသိရသည်။
Source : AFP
