ကန်နိုင်ငံခြားရေးဝန်ကြီးက ဂါဇာရှိအရပ်သားများ ထိခိုက်မှုအနည်းဆုံးဖြစ်အောင် အစ္စရေးတွင်ဆွေးနွေးမည်ဟုဆို

ဝါရှင်တန်၊နိုဝင်ဘာ ၃

အစ္စရေး၏ စဉ်ဆက်မပြတ်တိုက်ခိုက်မှုများကြောင့် အထိနာနေသည့် ဂါဇာရှိအရပ်သားပြည်သူများ အထိအခိုက်အနည်းဆုံးဖြစ်စေရန် အစ္စရေး ခရီးစဥ်တွင်ဆွေးနွေးမည်ဖြစ်ကြောင်း အမေရိကန်နိုင်ငံခြားရေးဝန်ကြီးကပြောကြားခဲ့သည်။

အစ္စရေး – ဟားမတ်စ်ပဋိပက္ခအတွင်း ဒုတိယအကြိမ်မြောက် အစ္စရေးသို့သွားမည့် မစ္စတာဘလင်ကန်က ၎င်းအနေဖြင့် အစ္စရေးဘက်မှဟားမတ်စ်အားအနိုင်ရရှိပြီးပါက ဂါဇာအတွက်အထောက်အကူပစ္စည်းများ ပိုမိုရရှိစေရန်ဆွေးနွေးမည်ဖြစ်ကြောင်းဆိုခဲ့သည်။

ဟားမတ်စ်အဖွဲ့၏ ဖမ်းဆီးထိန်းသိမ်းခံထားရသော ဓ-ားစာခံများလွတ်မြောက်ရေးအတွက်လည်း ထည့်သွင်းဆွေးနွေးသွားမည်ဟုဆိုခဲ့သည်။

အစ္စရေး – ဟားမတ်စ်ပဋိပက္ခသည် ပြီးခဲ့သည့်အောက်တိုဘာ ၇ ရက်နေ့တွင် ဟားမတ်စ်ကစတင်တိုက်ခိုက်မှုကြောင့် အစ္စရေးနိုင်ငံသား ၁,၄၀၀ ကျော်‌ေ-သဆုံးခဲ့ရသဖြင့် အစ္စရေးဘက်မှ လေကြောင်းဖြင့်ပြန်လည်တုံ့ပြန်ခဲ့ခြင်းဖြစ်သည်။

အစ္စရေး၏လေကြောင်းတိုက်ခိုက်မှုကြောင့် ဂါဇာဒေသခံ‌ ၉,၀၆၁ ဦး‌ေ-သဆုံးခဲ့ကာ ယင်းတို့အနက် ကလေးငယ် ၃,၇၆၀ ဦးနှင့် အမျိုးသမီး ၂,၃၂၆ ဦးပါဝင်ကြောင်း ဂါဇာကျန်းမာရေးဦးစီးဌာန၏ထုတ်ပြန်ချက်အရသိရသည်။

Source : Reuters