ခတ္တမန်ဒူ၊နိုဝင်ဘာ ၄
နီပေါနိုင်ငံအနောက်မြောက်ပိုင်း၌ ငလျင်လှုပ်ခတ်မှုကြောင့် လူပေါင်း ၁၂၈ ဦးအထိေ-သဆုံးကာ ဒါဇင်နှင့်ချီပြီးဒဏ်ရာရရှိခဲ့ကြကြောင်းသိရသည်။လက်ရှိအချိန်တွင် ကယ်ဆယ်ရေးလုပ်ငန်းများကိုလည်း အင်တိုက်အားတိုက်ဆောင်ရွက်နေကြကြောင်းသိရှိရသည်။
အချို့နေရာများတွင် ဆက်သွယ်ရေးပြတ်တောက်နေသဖြင့် ေ-သဆုံးမှုနှုန်း ထပ်မံမြင့်တက်လာနိုင်သည်ဟု အာဏာပိုင်များကခန့်မှန်းထားကြသည်။
ရဟတ်ယာဉ်များနှင့်ဆရာဝန်များကိုခေါ်ဆောင်လာကာ ကယ်ဆယ်ရေးလုပ်ငန်းများဆောင်ရွက်လျက်ရှိပြီး မြေပြင်မှကယ်ဆယ်ရေးသမားများကလည်း အပျက်အစီးများအောက်ပိတ်မိနေသည့်သူများနှင့် ပိတ်မိေ-သဆုံးသူများ၏ရုပ်အလေ-ာင်းများကိုပါ တူးဖော်ကယ်ဆယ်နေကြကြောင်းလည်းသိရသည်။
“ရုတ်တရက် အရှိန်နဲ့လှုပ်လာတာကိုသိလိုက်ရတဲ့အချိန် ထွက်ပြေးဖို့ကြိုးစားပေမဲ့ အိမ်ပြိုကျလာတာကြောင့် ခန္ဓာကိုယ်တစ်ပိုင်းကအပျက်အစီးအောက်ပိတ်မိနေခဲ့တာပါ” ဟု ဆေးရုံတွင်ကုသမှုခံယူနေရသည့်ဒေသခံတစ်ဦးကပြောကြားခဲ့သည်။
တောင်ကုန်းထူထပ်သော နီပေါတွင် ငလျင်မကြာခဏလှုပ်လေ့ရှိပြီး ၂၀၁၅ ခုနှစ်တွင် ပြင်းအား ၇ ဒသမ ၈ ရစ်ခ်ျတာစကေးရှိသော ငလျင်တစ်ခုလှုပ်ခတ်ခဲ့ရာ လူပေါင်း ၉,၀၀၀ ခန့်ေ-သဆုံးပြီး အဆောက်အဦပေါင်းတစ်သန်းခန့်ပျက်စီးခဲ့သည်ဟုလည်းသိရသည်။
အိမ်နီးချင်းအိန္ဒိယနိုင်ငံအနေဖြင့်လည်း နီပေါ၏ငလျင်ဘေးသင့်ပြည်သူများအတွက် ထပ်တူစိတ်မကောင်းဖြစ်ရပါကြောင်းနှင့် လိုအပ်သောအကူအညီများထောက်ပံ့ရန် အသင့်ရှိကြောင်းကိုပါ ဝန်ကြီးချုပ်မိုဒီကပြောကြားခဲ့သည်။
Source : AP News
