အမေရိကန်ပြည်ထောင်စု မက်ဆာချူးဆက် နည်းပညာတက္ကသိုလ်(MIT)မှ ရူပဗေဒပညာရှင်များသည် ခဲတံခဲဆံပြုလုပ်သော ဂရက်ဖိုက်ခဲမှ အလွန့်အလွန်ပါးလွှာသော အချပ်အလွှာ ၅ ခုကို ခွဲထုတ်ခြင်းဖြင့် ခဲတံခဲဆံကို ရွှေအဖြစ် ပြောင်းလဲနိုင်ပြီဖြစ်ကြောင်း သိရသည်။ သဘာ၀ ဂရက်ဖိုက်ခဲတါင်းမှ ယခင်က လုံး၀မသိရှိရသေးသော အရေးကြီးသည့် ဂုဏ်သတ္တိ ၃ မျိုးကို သိနားလည်လာခြင်းကြောင့် ထိုသို့ပြုလုပ်နိုင်ခြင်းဖြစ်သည်။
“သဘာ၀တရားမှာ အံ့ဩစရာတွေ အများကြီးရှိတယ်။ ခုကိစ္စမှာလဲ အင်မတန်စိတ်ဝင်စားစရာတွေဟာ ခဲတံခဲ ဂရက်ဖိုက်ထဲမှာရှိနေတယ်”ဟု မက်ဆာချူးဆက် နည်းပညာတက္ကသိုလ်မှ သိပ္ပံပညာရှင်အဖွဲ့ခေါင်းဆောင် ရူပဗေဒဌာန ပါမေက္ခ လွန်ဂျူးကပြောသည်။
