ပြီးခဲ့သည့် ဒီဇင်ဘာ (၅) ရက် နံနက်အစောပိုင်းက ထိုင်းနိုင်ငံ ၊ ပရာကျောက်ခီရီခရိုင်တွင် ဖြစ်ပွားခဲ့သည့် ခရီးသည်တင်နှစ်ထပ် ဘတ်စ်ကားတစ်စီး လမ်းချော်ကာ သစ်ပင်ကို ဝင်တိုက်မိခဲ့သည့် ဖြစ်စဉ်၌ ထိခိုက်ဒဏ်ရာရခဲ့သူများထဲတွင် မြန်မာနိုင်ငံသား (၆) ဦး ပါဝင်နေကြောင်း သိရသည်။
ခရီးသည် (၄၆) ဦးနှင့် ယာဉ်မောင်း/ ယာဉ်နောက်လိုက် (၃) ဦး ပါဝင်သည့် ခရီးသည်တင်ယာဉ်မှာ ဘန်ကောက်မှ ဆွန်ခလာပြည်နယ် နာသာဝီခရိုင်ကို ထွက်ခွာလာခဲ့ရာ Hatwanakom အမျိုးသားဥယျာဉ်အနီးတွင် ယာဉ်မတော်တဆမှုဖြစ်ခဲ့ခြင်း ဖြစ်သည်။
အဆိုပါ ဖြစ်စဉ်ကြောင့် ယာဉ်ပေါ်ပါသူ (၁၆) ဦး ေ-သဆုံးခဲ့ပြီး (၉) ဦးမှာ ထိုင်းနိုင်ငံသားများဖြစ်ကာ ကျန် (၇) ဦးကို စုံစမ်းနေဆဲဖြစ်ကြောင်း သိရသည်။
ထို့အပြင် ထိခိုက်ဒဏ်ရာရသူ အယောက်(၃၀) ကျော်တွင် မြန်မာ (၆) ဦး ပါဝင်ခဲ့ပြီး လက်ရှိတွင် အဆိုပါ ထိခိုက်ဒဏ်ရာရသူ မြန်မာနိုင်ငံသား (၆) ဦးကို ထိုင်းနိုင်ငံ ထပ်စကဲဆေးရုံနှင့် ပကျွတ်ခီရီခန်ဆေးရုံတို့တွင် ဆေးကုသပေးနေကြောင်း ထိုင်းရောက်မြန်မာ အသိုင်းအဝန်းထံမှ သိရသည်။
