ကိုရိုနာဗိုင်းရပ်မျိုးကွဲ JN.1 သည် ယခုအခါတွင် အမေရိကန်နိုင်ငံ၌ COVID-19 ကူးစက်မှုအသစ်၏ ၂၀% ခန့်ကို ဖြစ်စေပြီး ၎င်းသည် ဗိုင်းရပ်စ်၏ ကြီးထွားမှုအမြန်ဆုံးမျိုးကွဲဖြစ်ကြောင်း အမေရိကန် ရောဂါထိန်းချုပ်ရေးနှင့် ကာကွယ်ရေးဗဟိုဌာနက ကြေညာသည်။ ၎င်းမျိုးကွဲသည် ကူးစက်မှုအသစ်၏ သုံးပုံတစ်ပုံခန့်ကို ဖြစ်ပွားစေမည်ဟု ခန့်မှန်းထားသည့် အရှေ့မြောက်ဒေသတွင် လွှမ်းမိုးနေပြီဖြစ်သည်။
JN.1 သည် ၎င်းတွင်ပါဝင်သော ဆူးချွန်ပရိုတိန်းများ ပြောင်းလဲမှုကြောင့် နွေရာသီတွင် ကမ္ဘာက အာရုံစိုက်လာခဲ့သည့် အမျိုးအစားခွဲ BA.2.86 သို့မဟုတ် Pirola မှ ဆင်းသက်လာခြင်းဖြစ်သည်။ ၎င်းသည် ပုံစံအလွန်ပြောင်းသွားမည်ကို သိပ္ပံပညာရှင်များ စိုးရိမ်ကြသည်။ အဆိုပါမျိုးကွဲသည် လက်ရှိ Covid-19 ဆန့်ကျင်သည့် ကာကွယ်ဆေးများနှင့် ပဋိပစ္စည်းများ၏ အကာအကွယ်မှ လုံးဝလွတ်ကင်းပြီး ၂၀၂၁ ခုနှစ်ကပေါ်ပေါက်ခဲ့သော မူလ Omicron မျိုးကွဲပုံစံအတိုင်း ဖျားနာမှုနောက်ထပ်လှိုင်းကို ဖြစ်ပေါ်စေနိုင်ကြောင်း အမေရိကန် ရောဂါထိန်းချုပ်ရေးနှင့် ကာကွယ်ရေးဗဟိုဌာနက ဆိုထားသည်။
