ပြင်သစ်နိုင်ငံ ပါရီမြို့ အရှေ့ဘက် ကီလိုမီတာ ၁၅၀ အကွာ Vatry လေဆိပ်တွင် ပြင်သစ်အာဏာပိုင်များက ထိန်းသိမ်းထားသော လေယာဥ်ခရီးသည်များအား ပြင်သစ်တရားသူကြီး လေးဦးက “လူကုန်ကူးမှု” သံသယဖြင့် ကြာသပတေးနေ့ကတည်းက စတင်ကြားနာစစ်ဆေးခဲ့သည်။
ပြင်သစ်တရားသူကြီးများသည် ခရီးသည် ၃၀၀ ကျော်အားကြားနာနေမှုကို ပယ်ဖျက်လိုက်ပြီးနောက် ရိုမေးနီးယားကုမ္ပဏီ Legend လေကြောင်းလိုင်းပိုင် A340 လေယာဉ်ကို ထွက်ခွာခွင့်ပြုလိုက်ခြင်းဖြစ်သည်။
အဆိုပါ နီကာရာဂွာနိုင်ငံသို့ ပျံသန်းမည့် လေယာဉ်သည် တနင်္လာနေ့တွင် ပြင်သစ်မှ ပြန်လည်ထွက်ခွင့်ရသွားပြီဖြစ်ကြောင်း ယနေ့တွင် ဒေသတွင်း မီဒီယာများကဖော်ပြထားသည်။
အဆိုပါ လေယာဉ်သည် တနင်္လာနေ့ နံနက်တွင် ပြန်လည်ထွက်ခွာပျံသန်းနိုင်မည်ဟုဆိုသော်လည်း ၄င်း၏ဦးတည်ဆိုက်ရောက်ရာကို မသိရသေးပေ။
၎င်းသည် ခရီးသည်များ သွားမည့် မူလခရီးဆုံးနေရာ နီကာရာဂွါ၊ သို့မဟုတ် ဒူဘိုင်း၊သို့မဟုတ် ခရီးသည်များစတင်ထွက်ခွာလာသည့်အိန္ဒိယသို့ ပျံသန်းနိုင်ကြောင်း ထင်ကြေးပေးကြသည်။
ပြင်သစ်တွင်လူကုန်ကူးမှုသည် ထောင်ဒဏ် အနှစ် ၂၀ အထိ ချမှတ်ခံရနိုင်ဖွယ်ရှိသည်။
Source: The Indian Express