ဘန်ကောက်၊ဒီဇင်ဘာ ၂၇
ထိုင်းနိုင်ငံတောင်ပိုင်း၌ ရေကြီးရေလျှံမှုကြောင့် လူ ခြောက်ဦးေ-သဆုံးခဲ့ပြီး သောင်းနှင့်ချီသော အိမ်ထောင်စုများ ရေဘေးသင့်ခဲ့ကြောင်း အာဏာပိုင်များက ဒီဇင်ဘာ ၂၇ ရက်တွင်ပြောကြားခဲ့သည်။
ဒီဇင်ဘာ ၂၂ ရက်ကစတင်ခဲ့သော အဆိုပါရေကြီးရေလျှံမှုကြောင့် အိမ်ခြေ ၇၀,၀၀၀ ခန့် ထိခိုက်ပျက်စီးကာ အသက် ၈၉ နှစ်အရွယ်အဘွားတစ်ဦးနှင့်လမ်းလျှောက်တတ်စ အရွယ်ကလေ-းငယ်တစ်ဦးအပါအဝင် စုစုပေါင်း ၆ ဦးအထိေ-သဆုံးခဲ့ကြောင်းသိရသည်။
အချို့နေရာများတွင် ရေအမြင့် ၃ မီတာအထိမြင့်တက်နေပြီး ပျောက်ဆုံးနေသူတစ်ဦးလည်းရှိသည်ဟုသိရသည်။ဒေသတွင်းမီဒီယာများဖော်ပြချက်အရ အချို့နေရာများတွင် ရွှံ့ရေများဝင်ရောက်နေသည့်အတွက် အိမ်ရှင်များမှာ ခေါင်မိုးပေါ်တွင်နေနေကြရသည်ဟုလည်းဖော်ပြထားသည်။
သို့သော် ဗုဒ္ဓဟူးနေ့မှစ၍ ရေပြန်ကျနိုင်မည်ဖြစ်ကြောင်းအာဏာပိုင်များမှတွက်ချက်ထားပြီး မလေးနယ်စပ်ရှိ ရထားလမ်းအချို့ကိုလည်းပုံမှန်အတိုင်းပြန်ပြေးဆွဲနေပြီဟုဆိုသည်။
ထိုင်းနိုင်ငံ၌ ၂၀၁၁ ခုနှစ်ကလည်း အကြီးအကျယ်ရေလွှမ်းမိုးမှုကြောင့် နိုင်ငံတစ်ဝန်း ရာနှင့်ချီသောလူများေ-သဆုံးခဲ့ပြီး နေအိမ်သန်းပေါင်းများစွာပျက်စီးခဲ့သည်ဟုလည်းသိရသည်။
Source : အေအက်ဖ်ပီ/အာစီ
