မော်စကို၊ဇန်နဝါရီ ၁
ရုရှားအနေဖြင့် ယူကရိန်းရှိစစ်ရေးပစ်မှတ်များအား တိုက်ခိုက်မှုကို အရှိန်တိုးမြှင့်သွားမည်ဖြစ်ကြောင်း သမ္မတဗလာဒီမာပူတင်ကပြောကြားခဲ့သည်ဟုသိရသည်။
“ယူကရိန်းမှာရှိတဲ့ စစ်ရေးပစ်မှတ်တွေကို အဓိကထားပြီးတိုက်ခိုက်မှုကို အရှိန်မြှင့်တင်သွားမှာပါ။ရုရှားစစ်သည်တွေအနေနဲ့အရပ်သားတွေအပေါ် စစ်ရာဇဝတ်မှုကျူးလွန်တာမျိုးမဟုတ်ရင် ဘာပြစ်ဒဏ်မှမပေးဘူးဆိုတာကို အခိုင်အမာပြောရဲပါတယ်” ဟုလည်း၎င်းကဆိုသည်။
မော်စကို၏ထိုးစစ်ဆင်တိုက်ခိုက်မှုသည် နှစ်နှစ်တာကာလသို့နီးကပ်လာသော်လည်း စစ်ရေးပစ်မှတ်အဖြစ်သတ်မှတ်ထားသည့်အရာများအား တိုက်ခိုက်ဆဲဖြစ်သကဲ့သို့ ဆက်လက်၍၊လည်းတိုက်ခိုက်သွားဦးမည်ဖြစ်ကြောင်းဆိုခဲ့သည်။
သမ္မတပူတင်က ယူကရိန်းသည် အနောက်အုပ်စု၏ရုရှားအပေါ်မကျေလည်မှုများအတွက် အသုံးချခံသက်သက်သာဖြစ်နေခြင်းဖြစ်သည်ဟုလည်း အခိုင်အမာပြောကြားခဲ့သည်။
Source : အေအက်ဖ်ပီ/အာစီ
