တိုကျို၊ဇန်နဝါရီ ၅
ဂျပန်သည် နိုင်ငံ၏အနောက်မြောက်ပိုင်း အိရှီခါဝဒေသ၌ဖြစ်ပေါ်ခဲ့သည့် နှစ်သစ်ကူးနေ့က ငလျင်ဘေးကြောင့် ပျက်စီးဆုံးရှုံးမှုများကို ကာမိရန်အတွက် ဘတ်ဂျက်အရန် ဆောင်ထားငွေ ယန်း ၄ ဒသမ ၇၄ ဘီလီယံ (ဒေါ်လာ ၃၂ ဒသမ ၇ သန်း) ကိုအသုံးပြုမည်ဖြစ်ကြောင်း ဝန်ကြီးချုပ်ဖူမီရိုကီရှီဒါက သောကြာနေ့တွင်ပြောကြားခဲ့သည်။
ဝန်ကြီးချုပ်ကီရှီဒါက ဘဏ္ဍာရေးဝန်ကြီး ရှုနိချိဆူဇူကီးအား အရန်ဘတ်ဂျက်တိုးမြှင့်ရန်လိုအပ်သောအဆင့်များကို ဆက်လက်လုပ်ဆောင်ရန်တောင်းဆိုခဲ့သည်ဟုလည်းသိရသည်။
ပြင်းအား ရစ်ခ်တာ စကေး ၇ ဒသမ ၆ ရှိသောငလျင်၏ နောက်ဆက်တွဲပြဿနာများအားကိုင်တွယ်ဖြေရှင်းရန် အစိုးရက ဆောင်ရွက်နေချိန်၌ အစိုးရအဖွဲ့၏အရေးပေါ် ဆောင်ထားရန်ပုံငွေကို လာမည့်သီတင်းပတ်တွင် အတည်ပြုမည်ဖြစ်ကြောင်းလည်း မစ္စတာကီရှီဒါက ကြာသပတေးနေ့တွင်ပြောကြားခဲ့သည်။
Source : ရိုက်တာ
