ဒဂုံဆိပ်ကမ်းမြို့နယ်၌ တည်ဆောက်လျက်ရှိသော အမျိုး သားကင်ဆာရောဂါ ကုသရေးဌာန စီမံကိန်းပြီးစီးပါက ကင်ဆာရောဂါကုသရေးလုပ်ငန်းများ တိုးမြှင့်ဆောင်ရွက်နိုင်မ ည်ဖြစ်ကြောင်း ကျန်းမာရေးဝန်ကြီးဌာန ပြည်ထောင်စုဝန် ကြီး ဒေါက်တာသက်ခိုင်ဝင်း၏ ပြောကြားချက်အရ သိရသည်။
ယင်းစီမံကိန်း ပြီးစီးပါက ကင်ဆာရောဂါဓာတ်ရောင်ခြည် ကုသမှုအပါအဝင် ကင်ဆာရောဂါကုသရေးလုပ်ငန်းများ ပိုမိုကောင်းမွန်စွာ တိုးမြှင့်ဆောင်ရွက်နိုင်မည်ဖြစ်သဖြင့် အချိန်မီပြီးစီးရန် ဆောင်ရွက်ရေး၊ ဓာတ်ရောင်ခြည် လုံခြုံမှုအပါ အဝင်အဆောက်အအုံ အရည်အသွေးကောင်းမွန်စေရေး အလေးထားဆောင်ရွက်ရေး၊ လျှပ်စစ်မီးရရှိရေး၊ လမ်းတံတားများ ကောင်းမွန်ကြံ့ခိုင်ရေး၊ ဝန်ထမ်းများ အဆင်ပြေစွာသွား လာနေထိုင်နိုင်ရေး၊ ဓာတ်ရောင်ခြည် ကုသစက်နှင့် ဆေးရုံသုံးပစ္စည်းများ တပ်ဆင်ပြီးစီးရေးတို့ကိုလည်း တစ်ပြိုင်တ ည်းပြီးစီးအောင် စီစဉ်ဆောင်ရွက်ရန် ပြည်ထောင်စုဝန်ကြီးက မှာကြားခဲ့ကြောင်း သိရသည်။
ပြည်ထောင်စု ဝန်ကြီးသည် အမျိုးသား ကင်ဆာကုသရေးဌာန၌ ဓာတ်ရောင်ခြည် ကုသစက်လေးလုံးထားရှိရန် Bunker များ တည်ဆောက်ပြီးစီးမှု၊ တည်ဆောက်ဆဲ အဆောက်အအုံများ၊ တည်ဆောက်ပြီးစီးသွားသော ငါးထပ်လူနာဆောင်တွင် ခွဲစိတ်ခန်းများ၊ လူနာဆောင်များနှင့် ဓာတ်ခွဲခန်း၊ ဓာတ်မှန်ခန်းများ၊ တည်ဆောက်ပြီးစီးသွားသော အသုံးပြုပြီး ဓာတ်ရောင်ခြည်သုံး ပစ္စည်းများ သိုလှောင်ထားရှိမည့် မြေအောက် Bunker များကိုလည်း သွားရောက်ကြည့်ရှုခဲ့ကြော င်း သိရသည်။
အမျိုးသား ကင်ဆာရောဂါ ကုသရေးဌာနကို ၂၀၁၉ -၂၀၂၀ ဘဏ္ဍာရေးနှစ်မှစတင်ကာ နိုင်ငံတော်မှ ခွင့်ပြုရန်ပုံငွေကျပ် ၉၂၀၈ သန်း အသုံးပြုပြီး ကင်ဆာဓာတ်ရောင်ခြည်ကုသစက်လေးလုံး တပ်ဆင်၍ ကုသမှုပေးနိုင်ရန် ရည်ရွယ်ကာ တည်ဆောက်နေခြင်းဖြစ်ပြီး ယခု ၂၀၂၄ ခုနှစ်အတွင်း စတင်ဖွင့်လှစ်နိုင်ရေးအတွက် ဆောင်ရွက်လျက်ရှိကြောင်း သိရသည်။
အဆိုပါ ဌာနတည်ဆောက်ပြီးစီးပါက ကင်ဆာရောဂါလူနာများသည် ခွဲစိတ်ကုသခြင်း၊ ကင်ဆာဆေးသွင်းကုသခြင်း၊ ဓာတ်ရောင်ခြည်ဖြင့် ကုသခြင်း၊ အထူးကြပ်မတ် ကုသခြ င်း၊ ဓာတ်ခွဲစမ်းသပ်မှု၊ ဓာတ်မှန်ဖြင့် ရောဂါရှာဖွေခြင်းတို့ကို တစ်နေရာတည်းတွင် အချိန်နှင့်တပြေးညီ ဆောင်ရွက်နိုင်မည်ဖြစ်ကြောင်း သိရသည်။
