ဗီယန်နာ၊မတ် ၁၆
ဂါဇာဒေသ၌ လုံးဝ အပစ်အခတ်ရပ်စဲရေးနှင့် ဟားမတ်စ်တို့၏ဖမ်းဆီးခြင်းခံထားရသည့် ဓ-ါးစာခံများ ပြန်လည်လွတ်မြောက်ရေးတို့ အတွက် ကျန်ရှိနေသေးသော ကွာဟချက်များအား ကျဥ်းမြောင်းစေရန် မဟာမိတ်များနှင့်ပူးပေါင်းဆောင်ရွက်နေသည်ဟုအမေရိကန်နိုင်ငံခြားရေးဝန်ကြီးဘလင်ကန်ကပြောကြားခဲ့သည်။
ဂါဇာ၌ ရက်သတ္တပတ်ခြောက်ပတ်ကြာမည့် အပစ်အခတ်ရပ်စဲရေးအသစ်အပါအဝင် ပါလက်စတိုင်းအကျဉ်းသားများနှင့် အစ္စရေးဓ-ါးစာခံများအား လဲလှယ်ပေးရန် ဟားမတ်စ်ကအဆိုပြုခဲ့ကြောင်း စစ်သွေးကြွအဖွဲ့မှ တာဝန်ရှိသူတစ်ဦးက အေအက်ဖ်ပီ သို့ပြောကြားခဲ့သည်။
ဂါဇာကမ်းမြောင်ဒေသရှိ ဓ-ါးစာခံများ လွတ်မြောက်ရေးအတွက် နောက်ထပ်ဆွေးနွေးပွဲများ ပြုလုပ်ရန် ဒိုဟာသို့ ကိုယ်စားလှယ်အဖွဲ့တစ်ဖွဲ့ စေလွှတ်လိုက်မည်ဖြစ်ကြောင်းလည်း အစ္စရေးဝန်ကြီးချုပ်ရုံးကပြောကြားခဲ့သည်။
ဟားမတ်စ် စစ်သွေးကြွများ၏ အောက်တိုဘာ ၇ ရက် တိုက်ခိုက်မှုအတွင်း အစ္စရေးနှင့်နိုင်ငံခြားသားဓ-ါးစာခံ ၂၅၀ ခန့်ဖမ်းဆီးခံခဲ့ရကာ အချို့သည် နိုဝင်ဘာလကပြုလုပ်ခဲ့သည့် ရက်သတ္တပတ်တစ်ပတ်ကြာ အပစ်အခတ်ရပ်စဲရေးအတွင်းပြန်လွတ်လာခဲ့သည်။သို့သော် ဂါဇာ၌ ေ-သဆုံးသူဓ-ါးစာခံ ၃၂ ဦးအပါအဝင် ဓ-ါးစာခံ ၁၃၀ ခန့်ကျန်ရှိနေသေးသည်ဟု အစ္စရေးကယူဆထားသည်။
အစ္စရေး – ဟားမတ်စ်ပဋိပက္ခအတွင်း အစ္စရေးဘက်မှ လူပေါင်း ၁,၁၆၀ ဦးေ-သဆုံးကာ အများစုသည် အရပ်သားများဖြစ်ကြောင်းသိရှိရသည်။အစ္စရေး၏တုန့်ပြန်တိုက်ခိုက်မှုကြောင့်လည်း ပါလက်စတိုင်းဒေသခံပေါင်း ၃၁,၄၉၀ ဦးအထိေ-သဆုံးခဲ့ကာ အမျိုးသမီးများနှင့်ကလေ-းငယ်များသာဖြစ်သည်ဟုသိရသည်။
Source : အေအက်ဖ်ပီ/အက်ဖ်အက်စ်
