ချင်းမိုင်၊ဧပြီ ၇
ထိုင်းနိုင်ငံမြောက်ပိုင်း အထူးသဖြင့် ချင်းမိုင်နှင့်လိုင်ပန်၌နေထိုင်သူများသည် အဆုတ်ကင်ဆာကြောင့် သေဆုံးမှုများလျက်ရှိကြောင်းသိရသည်။ချင်းမိုင်တက္ကသိုလ်၏ ဆေးပညာ မဟာဌာနကမူ လေထုထဲတွင် အမှုန်ပါဝင်မှုသည် PM 2.5 အထိမြင့်မားနေခြင်းက အဆုတ်ကင်ဆာဖြစ်ရခြင်းအဓိကအကြောင်းရင်းများထဲမှ တစ်ခုဖြစ်ကြောင်းလည်းဖော်ထုတ်ခဲ့သည်။
ချင်းမိုင်တက္ကသိုလ် (CMU) ဆေးပညာဌာန တွဲဖက်ပါမောက္ခ Chalerm Liewsisakul ကမူ မြောက်ပိုင်းဒေသတွင်အမှုန်ပါဝင်မှုသည် PM 2.5 အထိရှနေ သောကြောင့် လေထုညစ်ညမ်းမှုသည် လွန်ခဲ့သည့်ဆယ်စုနှစ်များအတွင်းက ပိုမိုဆိုးရွားလာခဲ့ပြီး အဆုတ်ရောဂါခံစားရသောလူနာများကို များလာစေသည်ဟုလည်းပြောကြားခဲ့သည်။
အာဏာပိုင်များ၏ထုတ်ပြန်ကြေငြာချက်အရ နိုင်ငံမြောက်ပိုင်း၌ အဆုတ်ရောဂါဖြစ်ပွားသူအရေအတွက်သည် ၂၀၁၀ ပြည့်နှစ်က ၂၀ ဒသမ ၃ ရာခိုင်နှုန်းရှိခဲ့ရာမှ ၂၀၁၉ ခုနှစ်တွင် ၃၀ ဒသမ ၉ ရာခိုင်နှုန်းအထိမြင့်တက်လာခဲ့သည်ဟုသိရသည်။
ချင်းမိုင်သည် စနေနေ့က IQAir.com မှ အစီရင်ခံချက်အရ ကမ္ဘာ့လေထုအရည်အသွေးအဆိုးရွားဆုံးမြို့များထဲသို့ ပြန်လည်ရောက်ရှိခဲ့ကြောင်းသိရပြီး အဆိုပါနေ့အတွက်လေထုအရည်အသွေးညွှန်းကိန်းသည် ဒေသစံတော်ချိန် နံနက် ၈ နာရီ ၅၂ မိနစ်တွင် ၂၃၇ သို့ရောက်ရှိခဲ့သည်ဟုလည်းသိရသည်။
Source : ဘန်ကောက်ပို့စ်
