အိန္ဒိယသည် ဧပြီလ ၁၂ ရက်နေ့၌ ၎င်း၏နိုင်ငံသားများကို အီရန်နှင့်အစ္စရေး နိုင်ငံများသို့ခရီးမသွားကြရန်သတိပေးချက်တစ် ေစာင် ကို ထုတ်ပြန်ခဲ့ပြီး သက်ဆိုင်ရာက နောက် ထပ် အမိန့် တစ်စုံတစ်ရာ မထုတ်ပြန်မချင်း ခရီးမသွားရန်သတိပေးထားသည်။
ခရီးသွားမည့်သူများကလည်း မသွားသင့်သေးသကဲ့သို့ ရောက်နှင့်နေပြီးသားလူများအနေဖြင့်လည်း မိမိတို့ဘေးကင်းရေးကို အတတ်နိုင်ဆုံးသတိထားသင့်ပြီး အပြင်သွားလာ ခြင်းများကိုလည်းကန့်သတ်သင့်ကြောင်း အိန္ဒိယနိုင်ငံခြားရေးဝန်ကြီးဌာနကထုတ်ပြန်ခဲ့သည်။
ယခုလအတွင်း ဆီးရီးယားရှိ၎င်း၏သံရုံးအား အစ္စရေး၏လေကြောင်းတိုက်ခိုက်မှုကို လက်တုန့်ပြန်မည်ဖြစ်ကြောင်း အီရန်၏ခြိမ်းခြောက်မှုထွက်ပေါ်လာပြီးနောက် ယခုကဲ့သို့ ခရီးသွားလာမှုဆိုင်ရာကန့်သတ်ချက်များထွက်ပေါ်လာခြင်းလည်းဖြစ်သည်။
ယင်းသို့ ခရီးသွားလာမှု သတိပေး ချက် ထုတ်ပြန်ထားသည့်နိုင်ငံများတွင် အမေရိက၊ရုရှား၊ဩစတြီးယား၊ဂျာမနီ၊ပြင်သစ်တို့ပါဝင်ပြီး ပြင်သစ်ကမူ အီရန်၊လက်ဘနွန်၊အစ္စရေးနှင့် ပါလက်စတိုင်းနယ်မြေများသို့ ခရီးသွားလာခြင်းမပြုရန်ကို ပါသတိပေးထားခဲ့သည်။
ပြင်သစ်နိုင်ငံခြားရေးဝန်ကြီးကမူ အီရန်ရှိ ပြင်သစ်သံတမန်များ၏မိသားစုဝင်များကိုလည်း ရွှေ့ပြောင်းပေးရန်တောင်းဆိုထားကာ အထက်ဖော်ပြပါနိုင်ငံများသို့ ပြင်သစ်အစိုးရဝန်ထမ်းများကို စေလွှတ်ခြင်းမပြုသေးရန်ကိုပါတောင်းဆိုခဲ့ကြောင်းသိရသည်။
အလားတူပင် ဂျာမန်လေကြောင်းလိုင်း လုဖ်ထန်ဆာ ကလည်း ဧပြီလ ၁၈ ရက်နေ့အထိ အဆိုပါမြို့များသို့ လေကြောင်းပျံသန်းမှုများကို ရပ်နားကာ အီရန်လေပိုင်နက်အားအသုံးပြုတော့မည်မဟုတ်ကြောင်းလည်းဆိုခဲ့သည်။
အမေရိကန်သမ္မတဂျိုးဘိုင်ဒင်ကလည်း အီရန်သည် မကြာခင်၌ အစ္စရေးကို တိုက်ခိုက်ရန် မျှော်လင့်ထားကြောင်း ပြောကြားခဲ့ပြီး ဆက်လက်မလုပ်ဆောင်ရန်လည်းသတိပေးခဲ့သည်။
Source : စီအင်န်အေ
